Gāluega 20:21 - Tokelauan New Testament

²¹ Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 20:21 Referans Kwoze

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Luka 13:3

E lea atu au, e hēai! Kae kāfai koutou e hē halamō i autou agahala, ko koutou uma e feoti foki vēnā.

2 Kolinito 7:10

Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.

Loma 10:9

Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

1 Ioane 5:5

Ko ai la te ia mafaia oi fakatōkilalo te lalolagi? E nā ko te tino lava e talitonu ko Iehu ko te Ataliki o te Atua.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.

Filemoni 1:5

Auā kua fakalogo au ki tō alofa ki tagata o te Atua, ma tō talitonu ki te Aliki ko Iehu.

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 4:24

Na tūhia foki mo ki tātou, ki tātou iēia ka fakaleleia e te Atua to tātou va ma ia, ma e talitonu ki tē na ia toe fakatū maia mai te oti, ia Iehu tō tātou Aliki.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Maleko 6:12

Oi olo ai loa kua tālaki atu ki tagata ke liliu kehe mai ia lātou agahala.

Maleko 1:15

Kua vāgana atu, “Kua pa ki te taimi, ko te Mālō o te Atua kua pili mai; liliu kehe mai autou agahala ma talitonu ki te Tala Lelei!”

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

1 Kolinito 1:22

Ko tagata Iutaia e fofou ki ni vāvega ke fai ma fakamāoniga, ka ko tagata Eleni e hakilikili ki te poto.

Loma 2:4

Pe ko koe e manatu māmā ki te lahi o te agalelei, te fakapalepale ma te onohai o te Atua? E hē kē iloa ko te Atua e agalelei, ona e fofou ke takitaki koe ki te halamō?

Loma 1:14

Auā e i ei toku tiute ki tagata uma lele, nā tino Eleni ma nā tino fakapaupau, nā tino kua akoakogia ma ki lātou e hēki akoakogia.

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 16:31

Kua tali mai te toka lua, “Talitonu ki te Aliki ko Iehu, oi fakaola ai koe — ko koe ma tō kāiga.”

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 8:25

Kua uma te fai o te takutinoga ma te fakailoa atuga o te fekau a te Aliki e Petelu ma Ioane, oi toe foki ai ki lāua ki Ieluhalema. Na tālaki e ki lāua te Tala Lelei, ki nā tamā kakai e lahi o Hāmālia, i to lā auala ki Ieluhalema.

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

Gāluega 2:40

E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 15:7

E lea atu au ki a te koutou, ka vēnā foki oi hili atu te fiafia i te lagi ki he tino agahala e fokotahi e halamō, i lo kini tino e toka ivahefulu iva e manatu ko ki lātou e āmiotonu, ma e hēai he mea e tatau ai ke halamō.”

Luka 13:5

E lea atu au, e hēai! Kae kāfai koutou e hē halamō i autou agahala, ko koutou uma e feoti foki vēnā.”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Kolohe 2:5

Auā e ui lava ko au e hē i kinā ma koutou, kae ko toku agaga e i ei fakatahi ma koutou, ma ko au te fiafia i toku kikila atu ki te mau o tautou tutū fakatahi, i te fakatuatua ki a Keliho.

Gāluega 24:24

Kua teka atu ni nai aho, oi ōmamai ai ia Felika ma tana āvaga ko Tolouhile, he fafine Iutaia. Na fekau e ia ia Paulo, oi fakalogologo ai kae kua tautala ia Paulo e uiga ki te fakatuatua ki a Keliho Iehu.

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.