Gāluega 20:16 - Tokelauan New Testament

¹⁶ Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 20:16 Referans Kwoze

1 Kolinito 16:8

Ko au ka nofo i kinei i Efeho ke pa ki te aho Penitekoho.

Gāluega 2:1

Kua pa ki te aho o te Penitekoho, oi fakapotopoto ai ki lātou uma kua talitonu, ki he mea e fokotahi.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

Gāluega 21:4

Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

Gāluega 20:22

Ma i te taimi nei, ko au ka fano ki Ieluhalema e vē ona fakatonugia ai au e te Agaga Paia, e aunoa ma te kō iloa pe ko he ā te ka tupu ki a te au i kinā.

Gāluega 20:13

Na muamua ki mātou ki te mea e i ei te vaka ma tukuvaka loa lava ki Ahono, te mea e tuku e fakahopo ifo ai ia Paulo ki luga o te vaka. Na lea mai ki a te ki mātou ke fakahopo ifo ia i kinā, auā ko ia e kui gāuta atu.

Gāluega 20:6

Na folau atu ki mātou mai Filipi i te umaga o te Fakamanatuga o te Falaoa Hē Fakafefetea, ma ina kua teka nā aho e lima, oi fetaui ai ki mātou i Tolōata, ma nonofo ai ki mātou i kinā i he vaiaho.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 18:19

Kua taunuku atu ki lātou ki Efeho, oi tuku ai i kinā ia Pihila ma Akula e Paulo kae fano ki te hūnako, ma talatalanoa ai ma nā tino Iutaia.

Gāluega 12:13

Kua tukituki e Petelu te faitotoka pito ki fafo, oi hau ai te kaukauna e igoa ki a Lotē ke kikila pe ko ai.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 20:4

Ko Hōpato te ataliki o Pulo, mai Peloia, na olo ma Paulo; na vēnā foki ia Alihitako ma Hekounato mai Tehalonika; ko Kaio mai Tepene; ko Tuhiko ma Tolofimo mai te itūmālō o Ahia; ma Timoteo.

Gāluega 20:18

Ma i to mātou taunuku atuga, oi lea atu ai ia Paulo ki a te ki lātou, “E iloa e koutou nā mea nae fakafano ki ei toku taimi i nā aho uma nae māfuta ai au ma koutou, mai te aho muamua lava na pa mai ai au ki te itūmālō o Ahia.