Gāluega 20:12 - Tokelauan New Testament

¹² Na kave ai loa e ki lātou te taumalo ki tona kāiga kua ola, ma na fai tēnei ma mea na matuā fakamāfanafanagia lele ai o lātou loto.

Gāluega 20:12 Referans Kwoze

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

2 Kolinito 1:4

E fehoahoani mai ia ki nā puapuagā uma o ki māua, ke mafai ai e ki māua oi fehoahoani ki iētahi tino e maua i te lahi o itūkāigā puapuagā kehekehe, e ala i te fehoahoani kua ki mā maua mai i te Atua.

1 Tehalonia 5:11

Ko te mea ia e tatau ai lava koutou ke fakamākeke ma fehoahoani tētahi ki tētahi, e vē lava ko te mea e fai e koutou i te taimi nei.

1 Tehalonia 4:18

Ko te mea la ia e tatau ai koutou ke fakamākeke tētahi ki tētahi, i nā kupu iēnei.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

Efeho 6:22

Ko te mea ia kua uga atu ai e au ki a te koutou — ke fakailoa atu te tūlaga e i ei ki mātou uma i kinei, ma ke fakamālohi atu ki outou loto.

Gāluega 20:11

Oi toe fano ai ki te falealuga, kua tavaevae e ia te falaoa ma kakai fakatahi ma te kau Kelihiano. Ina kua uma te tautala o Paulo ki a te ki lātou mo he taimi mataloa, ma na pa lava ki te hopo ake o te la, oi tuku ai e ia ki lātou kae fano kehe.

Gāluega 20:13

Na muamua ki mātou ki te mea e i ei te vaka ma tukuvaka loa lava ki Ahono, te mea e tuku e fakahopo ifo ai ia Paulo ki luga o te vaka. Na lea mai ki a te ki mātou ke fakahopo ifo ia i kinā, auā ko ia e kui gāuta atu.