Gāluega 20:1 - Tokelauan New Testament

¹ Kua māona atu te vevehitū, oi fakapotopoto ai e Paulo te kau Kelihiano, ma ina kua uma te ia kavatua ki ei o ni kupu fakamākeke, oi fakamāvae atu ai ki a te ki lātou, ma malaga ai loa ki Maketonia.

Gāluega 20:1 Referans Kwoze

2 Kolinito 7:5

Ke pa lava ki te kua taunuku o ki mātou ki Maketonia, e hēki maua lele ha mātou malōlōga. Na maua ki mātou i nā fakafītāuli kehekehe; nae tauai kupu ma iētahi tino, ma lagona te mataku i o mātou loto.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

1 Timoteo 1:3

Ko au e fofou ko koe ke nofo i Efeho, e vē lava oi lea atu ai au ki a te koe ka koi faimalaga atu au ki Maketonia. E i ei nā tino i Efeho e akoako e ki lātou ni matākupu hehē, ma e tatau ke fakatonu e koe nā tino iēnei ke tuku loa te lātou mea tēnei e fai.

1 Tehalonia 5:26

Fakafeiloaki atu e koutou ki nā tino uma kua talitonu ki te Aliki, i te kihi o te fīlēmū.

1 Kolinito 16:20

E momoli atu nā fakamanuiaga mai te kau uho Kelihiano uma i kinei. Fakafeiloaki tētahi e tētahi i te kihi o te fīlēmū.

1 Kolinito 16:5

Ko au ka fanatu oi āhiāhi atu ki a te koutou kāfai e uma taku malaga ki Maketonia — auā ko au e tatau ke kui atu muamua i loto o Maketonia.

Loma 16:16

Ke fakafeiloaki e tētahi tētahi i te kihi o te fīlēmū. E fakafeiloaki atu foki ki a te koutou nā Ekalehia uma a Keliho.

Gāluega 20:37

Ma na faitatagi uma lele ma ōpoipoi e ki lātou ia Paulo, ma hogi fakamāvae ki ei.

Gāluega 20:10

Kae kua fanaifo ia Paulo ki lalo, kua fakapakū ki luga o te taumalo ma ōpoipoi mai ma lea vē atu ai, “Koutou nahe popole, ko te taumalo koi ola!”

Gāluega 16:9

Ma i te pō tēnā, na kitea ai e Paulo i he fakaaliga, he tino Maketonia e tū kae fakatālohaga vēnei ake, “Hau ko ki Maketonia, oi fehoahoani ki a te ki mātou!”

Gāluega 11:26

I te ia mauaga, oi kave ai e ia ki Anitioka, ma e lua ia tauhaga nae māfuta ai ki lāua ma nā tino o te ekalehia ma ki lā akoako he vāega e tokalahi. Ko kinā i Anitioka te na mua fakaigoa ai nā tino kua talitonu ki a Iehu, ni Kelihiano.

2 Kolinito 13:12

Fakafeiloaki tētahi e tētahi i te feiloakiga faka-Kelihiano. E momoli atu nā alofaaga o nā tino uma o te Atua i kinei mo koutou.

Gāluega 16:12

Mai kinā oi olo ai ki mātou ki Filipi, he kakai o te itūmālō muamua o Maketonia; he kolone foki e o Loma. Na faitau aho ki mātou i kinā.

Gāluega 20:2

Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Gāluega 20:3

oi nofo ai i kinā i ni māhina e tolu. Kua hāuni ia Paulo e malaga i he vaka ki Hulia, kae ia maua te fakamatalaga ko ia e lama e ni tino Iutaia; oi fai ai tana tonu ke toe liliu oi kui atu i loto o Maketonia i tona auala ki Ieluhalema.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.