Gāluega 2:4 - Tokelauan New Testament

⁴ Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 2:4 Referans Kwoze

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Gāluega 13:52

Ko nā tino kua talitonu ki te Atua i Anitioka kua fakatumulia i te fiafia lahi ma, i te Agaga Paia.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

Ioane 14:26

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Gāluega 19:6

Na fakaeke atu nā lima o Paulo ki o lātou luga, oi afio ifo ai te Agaga Paia ki o lātou luga; na tautatala ki lātou i nā gagana kehekehe, ma folafola atu e ki lātou te fekau a te Atua.

Gāluega 10:46

Auā kua ki lātou lagona atu kua tautala i ni gagana kehe, ma viviki ake ki te hilihili kehe o te Atua. Kua lea vē atu ia Petelu;

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Gāluega 7:55

Ka ko Hetefano kua fakatumulia i te Agaga Paia; kua kikila ake ki te lagi ma ia kitea atu te huhulu pupula o te Atua, ma Iehu e tū i tona itū taumatau.

Gāluega 1:5

Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

1 Kolinito 13:8

Ko te alofa e fakavavau. E i ei te mana e folafola ai te fekau mai te Atua, kae e hē tūmau; e i ei te mana e tautatala ai i nā gagana kehekehe, kae e fano e uma; e i ei te mālamalama, kae e fano e mavae.

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

Gāluega 13:9

Oi fakatumulia ai ia Haulo — e igoa foki ki a Paulo — e te Agaga Paia; kua kikila hako atu ia Paulo ki te taulāitu,

Gāluega 2:11

ni tino Iutaia ma ni tino nukukehe kua talitonu ki nā tāpuakiga faka-Iutaia; ka ko iētahi e ōmamai mai Kelete ma Alapi — kae na fakalogo uma lava ki tātou ki a te ki lātou e tautatala i nā gagana a ki tātou, ki te uiga kehe o nā mea kua fai e te Atua!”

Luka 12:12

Auā ka fakaako atu koutou e te Agaga Paia, kāfai e pa ki te taimi tēnā, i nā kupu e tatau ke tautatala ai koutou.”

1 Kolinito 14:18

E fakafetai au ki te Atua ona e hili atu toku tautala ho i nā gagana kehekehe, i lo ho he tino o koutou.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina:

Ioane 20:22

Oi mānava atu ai ia ki a te ki lātou ma lea vē atu, “Talia te Agaga Paia.

Luka 4:1

Kua toe foki ifo ia Iehu mai te Iolitana, ma kua fakatumulia i te Agaga Paia; oi tataki ai e te Agaga ki te vao,

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Kolinito 14:5

Ko au e fofou ko koutou uma ke tautatala i nā gagana kehekehe; kae e hili atu toku fofou ke ia te koutou te meaalofa ko te folafolaga o te fekau mai te Atua. Auā ko te tino e ia folafola te fekau mai te Atua, e hili atu tona tāua i lo he tino e tautala i nā gagana kehekehe — vaganā e i ei he tino i te taimi tēnā, e ia mafaia oi fakamatala nā mea e tautala ai, kae ke mālamalama ai te Ekalehia kātoa.

Gāluega 11:15

Ma i te kāmataga oi tautala au ki ei, kae fanaifo te Agaga Paia ki o lātou luga, e vē foki lava ko te fanaifoga ki luga o ki mātou, i te kāmataga.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Luka 1:15

auā ko Ioane ka kavea ma tagata tāua i mua o te Aliki. E hē tatau lele ia ke inu ki he uaina, pe he mea mālohi. Ka fakatumulia ia i te Agaga Paia mai te aho e fānau mai ai,

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Gāluega 11:24

Ko Panapa he tagata lelei, nae tumu i te Agaga Paia ma te fakatuatua, ma e tokalahi ia tagata na talitonu ki te Aliki.

Gāluega 6:8

Ko Hetefano ko he tino na fakamanuiagia lahi e te Atua ma nae ia te ia te mana. Na fai e ia nā vāvega uiga kehe ma nā mea ofoofogia i te mea e i ei ia tagata.

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

Luka 1:67

Oi fakatumulia ai ia Hakalia, te tamana o Ioane, i te Agaga Paia, ma na fai ai tana vāloaga e vēnei;

Luka 1:41

Na lagona atu lava e Elihapeta te ofoalofa mai a Malia, oi gāoioi ake ai foki ma te pepe i tona manava. Kua fakatumulia foki ia Elihapeta i te Agaga Paia,

Mataio 10:19

Kāfai koutou e kave e ki lātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; ka pa ki te taimi tēnā, ka fōki atu lava ki a te koutou nā kupu ke tautatala ai koutou.

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

Gāluega 2:3

Ma ki lātou kitea ai nā mea e vēia ni laulaufaiva afi kua i luga o ki lātou tau tokatahi uma nae i kinā.

Gāluega 8:17

Oi fakaeke atu ai nā lima o Petelu ma Ioane ki o lātou luga, ma na ki lātou maua ai te Agaga Paia.

Gāluega 10:47

“Ko nā tino iēnei kua ki lātou maua te Agaga Paia, e vē foki lava ona ki mātou mauagia. E mafai la e he tino oi tāofi ke nahe papatihoa ki lātou i te vai?”

Gāluega 15:8

Ma ko te Atua, tē e ia iloa ia māfaufauga o tagata uma, kua ia fakailoagia ko nā tino nukukehe e mafai foki ke talitonu ki te Aliki, e ala i te tuku atu e ia ki a te ki lātou o te Agaga Paia.