Gāluega 2:27 - Tokelauan New Testament

²⁷ auā ka hē tuku tiakia au e koe te Atua, i te lalolagi o tagata oti; ka hē tukua e koe te tino o tau kaukauna fakamāoni ke pala i te tugamau.

Gāluega 2:27 Referans Kwoze

Gāluega 2:31

Na kitea e Tavita te mea e tuku e fai e te Atua i he taimi i mua, ma na tautala ai e uiga ki te toetū o te Mehia mai te oti, i te leaga vē, ‘E hēki tuku tiakia ia e te Atua i te lalolagi o tagata oti; e hēki pala tona tino i loto o te tugamau.’

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 20:13

Oi tatala ai e te tai nā tino oti nae haihaitia i loto o ia. Kua tatala foki e te Oti ma Heoli nā tino oti nae ki lā haihaitiagia. Ma na fakamahino uma ki lātou e tuha ai ma nā mea a ki lātou nae fai.

1 Kolinito 15:55

“Te Oti, tēfea tō manumālō? Te Oti, tēfea tō mālohi e fakaogohia ai?”

Ioane 11:39

Kua lea atu ia Iehu ki nā tino, “Kave kehe te fatu!” Kae kua tali mai ia Mafa, te tuafafine o te tamāloa kua oti, “Te Aliki, kua kātoa nei te fa o aho talu te tanu, ma kua manogi kino.”

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

Luka 4:34

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe: ko koe ko te kavefekau paia a te Atua!”

Luka 1:35

Ka kua tali mai te agelu, “Ka fanaifo te Agaga Paia ki ō luga, ma ko te mana o te Hilihilikehe ka fakamalumalu ifo ki ō luga. Ko te mea ia ka paia ai te tama ka fānau mai, ma ka takua ai ko te Ataliki o te Atua.

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.

Gāluega 3:14

Ko Iehu nae paia ma lelei, kae na teteke koutou ki a te ia ma lea koutou ki a Pilato ke tatala ma fakahaoloto te tino tāmate tino.

Luka 16:23

ma i loto o Heoli, te nofoaga kua maua ai ia i te pagātia, kua kikila ake ki luga oi ia kitea mamao atu ai ia Apelaamo, ma Lahalo e i tētahi ona itū.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Gāluega 2:26

Ma ko te mea ia e fiafia ai toku loto, ma ko aku kupu e tumu i te fiafia. Ma e ui ko au, he tagata e fano e mate, ka nofo au ma te fakamoemoe mautinoa,

Gāluega 2:28

Kua kē fakahinoa mai ki a te au nā auala e maua ai te ola, ma ko tō fakatahi mai, ka fakatumulia ai au i te fiafia.’