Gāluega 2:2 - Tokelauan New Testament

² Kae teki lava kua fanaifo he leo mai te lagi e vē ko te agi a he matagi mālohi, kua agi ki loto o te fale ma fakatumulia ai te fale kātoa e maopoopo ai ki lātou.

Gāluega 2:2 Referans Kwoze

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Ioane 3:8

Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano agai ki ei. E vēnā foki lava ho he tino e fānau mai i te Agaga.”

Luka 2:13

Kae teki lava kua i ei fakatahi ma te agelu, he vāega agelu tokalahi mai te lagi, e pepehe i nā vīkiga ki te Atua:

Gāluega 2:3

Ma ki lātou kitea ai nā mea e vēia ni laulaufaiva afi kua i luga o ki lātou tau tokatahi uma nae i kinā.

Gāluega 2:6

I te ki lātou lagonaga o te leo tēnei, oi na potopoto ai he kaifenua e tokalahi. Na tēteki uma ki lātou auā na lagona atu e ki lātou tau tokatahi uma, ko nā tino kua talitonu ki a Iehu e tautatala i nā gagana a ki lātou tau tokatahi.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.