Gāluega 19:23 - Tokelauan New Testament

²³ E tuha ko te taimi tonu iēnei na tutupu ai ni fakafītāuli e lahi i Efeho, ona ko te Ala o te Aliki.

Gāluega 19:23 Referans Kwoze

Gāluega 24:22

Ko Felika nae mālamalama lele i nā fakamatalaga e uiga ki te Ala o te Aliki, ma kua fakaiku e ia te fakamahinoga. Kua lea vēnei atu ki a te ki lātou “Kāfai e pa mai ia Luhia te takitakikau, oi kua fai ai taku fakaikuga.”

Gāluega 19:9

Kae ko iētahi o ki lātou kua loto makaka ma hē fia talitonu, ma faikupu fakatafafai i mua o tagata, e uiga ki te Ala o te Aliki. Oi na tuku ai loa e Paulo ki lātou, kae kua fano ma kave nā tino kua talitonu, ma ko aho uma lava nae fai ana fakatalatalanoaga i te potu e fai ai nā akoakoga a Tulano.

Gāluega 9:2

ma lea ki ei mo ni tuhi ke fakailoa atu ai ia ki nā hūnako i Tamaheko, kae ke ia pukea ai ho he tino e i loto o te maopoopoga e takua ko te Ala o te Aliki i kinā, ko taulelea ma fafine, ma fakafoki ki Ieluhalema.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;

Gāluega 24:14

Kae ko au e io atu ki a te koe i te mea tēnei: Ko au e tāpuaki ki te Atua o nā tupuna o ki mātou, e ala i toku mulimuli ki te Ala o te Aliki, tēia e lea ki lātou e hehē. Ko au foki e talitonu ki nā mea uma e tūhia i te Tūlāfono a Mohe, vēnā ma nā tuhi a te kau pelofeta.

Gāluega 22:4

Ko au nae fakahāuā lahi ki nā tino na mulimuli ki te Ala, ma na feoti ai lava ni tino o ki lātou. Na puke e au nā taulelea vēnā ma fafine ma togi ki te falepuipui.

Gāluega 18:26

Na kāmata loa oi tautala atu ia Apolo ma te hē mataku i loto o te hūnako. I te lagonaga e Pihila ma Akula te tautalaga a Apolo, oi kave ai e ki lāua ki to lā fale ma fakamālamalama hako ki ei e uiga te Ala o te Atua.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.