Gāluega 19:21 - Tokelauan New Testament

²¹ Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 19:21 Referans Kwoze

Gāluega 20:22

Ma i te taimi nei, ko au ka fano ki Ieluhalema e vē ona fakatonugia ai au e te Agaga Paia, e aunoa ma te kō iloa pe ko he ā te ka tupu ki a te au i kinā.

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 23:11

I te pō tēnā, na tū ai te Aliki i tafa o Paulo ma vāgana vē atu ki ei, “Ia koe nā mataku! E vē ona molimau koe e uiga ki a te au i kinei i Ieluhalema, e tatau foki ke kē faia te mea tēnei i Loma.”

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

1 Tehalonia 1:7

Kua kavea ai la koutou ma fakatakitakiga ki nā tino uma kua talitonu, i Maketonia ma Akaia.

Kalatia 2:1

Kua teka te hefulu fa tauhaga, oi toe fano ai au ki Ieluhalema, ki māua ma Panapa, ma na kave ai e au ma Tito.

1 Kolinito 16:5

Ko au ka fanatu oi āhiāhi atu ki a te koutou kāfai e uma taku malaga ki Maketonia — auā ko au e tatau ke kui atu muamua i loto o Maketonia.

Loma 1:15

Ko te mea ia e naunau lele ai au, ke kō folafola atua foki te Tala Lelei ki a te koutou iēnā e nonofo i Loma.

Gāluega 28:16

I te taunuku atuga o ki mātou ki Loma, na fakataga ia Paulo ke nofo nā ko ia kae leoleo e he fitafita auā ei na hola kehe.

Gāluega 27:24

oi lea vē mai, ‘Paulo, ia koe nā mataku! Ko koe e tatau ke tū i mua o te Kaihala. Ko te agalelei o te Atua ki a te koe, kua fakahao ai ia ola o nā tino uma e faimalaga fakatahi koutou.’

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 21:17

I te taunuku atuga o ki mātou ki Ieluhalema, na tali fiafia mai ki mātou e te kau Kelihiano.

Gāluega 21:4

Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 16:12

Mai kinā oi olo ai ki mātou ki Filipi, he kakai o te itūmālō muamua o Maketonia; he kolone foki e o Loma. Na faitau aho ki mātou i kinā.

Gāluega 19:22

Oi na uga ai e Paulo ia Timoteo ma Elahito, ni tino e toka lua o nā tino nae fehoahoani ki a te ia, ke olo ki Maketonia, kae kua toe nofo ia mo ni aho i te itūmālō o Ahia.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Loma 1:11

Auā ko au e fofou lahi lele ke feiloaki ma koutou, kae ke mafai ai oi maua fakatahi e ki tātou he fakamanuiaga fakateagaga, ke mālolohi ātili ai koutou.

1 Kolinito 4:19

Kae ko au ka fanatu i he taimi lata mai, pe kāfai e finagalo ki ei te Aliki. Ma ka iloa ai e au te meamoni, e hē gata i nā kupu a nā tino fia popoto, kae pe ia te ki lātou moni te mana o te Agaga Paia.

2 Kolinito 10:16

Oi mafai ai ke folafola atu te Tala Lelei e ki mātou ki iētahi atunuku i tua atu o koutou, e aunoa ma ho mātou fāfifia i ni gāluega kua uma te fai i he fatoaga a hētahi tino.