Gāluega 19:16 - Tokelauan New Testament

¹⁶ Na ohofaki e te tino nae ulufia e te agaga kino, ki lātou uma. Na fakaogohia lele ki lātou e ia ma tahae kehe o lātou kofu, oi fētutuli kehe ai ki lātou mai tona fale.

Gāluega 19:16 Referans Kwoze

Luka 8:29

Ko te tamāloa na lea vēnei, ona na fakatonu e Iehu te agaga kino, ke fano ki fafo o ia. Kua lahi nā taimi e ulufia ai te tamāloa, ma e ui lava nae noanoa nā lima ma nā vae i nā filifili ukamea, ka nae tamotu lava e ia nā filifili ukamea, ma tuli e te tēmoni ki te vao.

Maleko 5:15

ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.

Luka 8:35

Oi olo ai ia tagata oi kikila ki te mea na tupu, ma i te tau atuga o ki lātou ki a Iehu, na ki lātou maua atu te tamāloa na olo kehe mai ai nā tēmoni, e nofo i tafa o nā vae o Iehu, kua fai ona kofu ma kua lelei tona māfaufau; oi na mātataku uma ai ki lātou.

Gāluega 3:8

na oho loa ki luga te pipili, kua tū ki luga ma kāmata oi havalivali. Oi fano ai ki loto o te Mālumalu fakatahi ma te toka lua, e havali ma tūtaoho ma viviki ki te Atua.

Gāluega 19:15

Ka kua tali vē mai te agaga kino ki a te ki lātou, “E iloa e au ia Iehu, ma e iloa e au ia Paulo; kae ko koutou — ko ai koutou?”

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

2 Petelu 2:19

E folafola e ki lātou te haolotoga, kae ko ki lātou foki ni pologa a nā uiga kino e fakaumatia ai lava ki lātou — auā ko te tagata ko he pologa a ho he mea kua fakatōkilalogia ia.