Gāluega 19:1 - Tokelauan New Testament

¹ I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 19:1 Referans Kwoze

1 Kolinito 16:12

Kae e vē la ki to tātou uho ko Apolo, e lahi nā taimi nae fakamālohi ai au ki ei ma iētahi uho Kelihiano, ke āhiāhi atu ki a te koutou, kae e hē talitonu ko te taimi tēnei e tatau ke fanatu ai ia. Kae kāfai loa e maua he avanoa, oi kua fanatu ai.

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

Gāluega 18:1

Kua teka atu nā mea iēnā, oi fano ai ia Paulo mai Atenai ki Kolinito.

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Gāluega 19:26

Nei, kua kikila ma fakalogo koutou ki te mea a te tagata tēnei ko Paulo e fai. E lea vēia ko nā atua e fai i lima o tagata e hē ni atua moni, ma kua tokalahi lele nā tino i kinei i Efeho ma te itūmālō kātoa o Ahia kua talitonu ki a te ia.

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 20:18

Ma i to mātou taunuku atuga, oi lea atu ai ia Paulo ki a te ki lātou, “E iloa e koutou nā mea nae fakafano ki ei toku taimi i nā aho uma nae māfuta ai au ma koutou, mai te aho muamua lava na pa mai ai au ki te itūmālō o Ahia.

Gāluega 21:29

(Na lea vēnei ki lātou, ona na ki lātou kitea ia Tolofimo mai Efeho e feoaki ma Paulo i te kakai, ma vēake ai na kave e Paulo te tagata tēnei ki loto o te Mālumalu.)

1 Kolinito 4:6

Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

1 Kolinito 15:32

Kāfai au na tau ma “manu fekai” i Efeho ona ni manatu fakatetagata, he ā nei ta aku kua maua ai? Kae kāfai nā tino oti e hē toe fakatutūa ki te ola, oi ka vē ai la ko te fakakupuga māhani, “Keina tātou kakai ma inu, auā taeao, ko ki tātou ka feoti.”

1 Kolinito 16:8

Ko au ka nofo i kinei i Efeho ke pa ki te aho Penitekoho.

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.