Gāluega 18:21 - Tokelauan New Testament

²¹ Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 18:21 Referans Kwoze

1 Kolinito 4:19

Kae ko au ka fanatu i he taimi lata mai, pe kāfai e finagalo ki ei te Aliki. Ma ka iloa ai e au te meamoni, e hē gata i nā kupu a nā tino fia popoto, kae pe ia te ki lātou moni te mana o te Agaga Paia.

Iakopo 4:15

Kae ko koutou e tatau ke lea vē, “Kāfai e tuha ai ma te finagalo o te Aliki, ko ki tātou ka ola ma fai te mea tē ma te mea tē.”

Epelu 6:3

Tātou olo la ki mua! Ma ko te mea tēnei e fai e ki tātou pe kāfai e finagalo ki ei te Atua.

Loma 15:32

Ma ko au la ka fanatu ma te loto fiafia, pe kāfai ko te finagalo ia o te Atua, ma ke maua e au he fakamālōlōga fiafia i toku māfuta ma koutou.

Loma 1:10

i taimi uma e tatalo ai au. Ko au e tatalo ki te Atua, pe kāfai e tuha ai ma tona finagalo, ke mafai au oi āhiāhi atu ki a te koutou i te taimi nei.

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

1 Petelu 3:17

Auā e hili atu te puapuagā o koutou ona e koutou faia nā mea lelei, pe kāfai ko te finagalo ia o te Atua, i lo te puapuagā ona ko nā mea kino e koutou faia.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

1 Kolinito 16:7

Ko au e hē fofou ke māfuta ma koutou mo hina taimi pukupuku; ko au e fofou ke mataloa he taimi e māfuta ai au ma koutou, kāfai e finagalo ki ei te Aliki.

Gāluega 21:14

E hēki mafai e ki mātou oi hui te māfaufau o Paulo, oi e hēki toe taumafai ki mātou ma na vē atu ai ta mātou kupu, “Ke fai te finagalo o te Aliki.”

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 15:29

nahe koutou kakai ki ni meakai kua ofo ma tāulaga mo nā tupua; nahe koutou kakai ki ni toto; nahe koutou kakai ki ni manuvaefa na titina; kalo kehe ma tuinanauga kino ki te tino. Ka lelei lele atu mo koutou, kāfai koutou e fakaeteete ma hē koutou faia nā mea iēnei. E alolofa atu ki mātou.”

Luka 9:61

Kua lea atu tētahi tino, “Te Faiakoga, ko au ka mulimuli atu ki a te koe; kae ke mua fano au oi fakamāvae ki toku kāiga.”

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Maleko 6:46

Kua mātuku atu ia tagata, oi fano ai ia Iehu ki luga o he mauga ke tatalo ai.

Gāluega 18:19

Kua taunuku atu ki lātou ki Efeho, oi tuku ai i kinā ia Pihila ma Akula e Paulo kae fano ki te hūnako, ma talatalanoa ai ma nā tino Iutaia.

Gāluega 18:20

Na fakatālohaga nā tino ki a Paulo ke nofo mataloa i kinā, kae e hēki fofou ia ki ei.

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Gāluega 21:29

(Na lea vēnei ki lātou, ona na ki lātou kitea ia Tolofimo mai Efeho e feoaki ma Paulo i te kakai, ma vēake ai na kave e Paulo te tagata tēnei ki loto o te Mālumalu.)

1 Kolinito 15:32

Kāfai au na tau ma “manu fekai” i Efeho ona ni manatu fakatetagata, he ā nei ta aku kua maua ai? Kae kāfai nā tino oti e hē toe fakatutūa ki te ola, oi ka vē ai la ko te fakakupuga māhani, “Keina tātou kakai ma inu, auā taeao, ko ki tātou ka feoti.”

1 Kolinito 16:8

Ko au ka nofo i kinei i Efeho ke pa ki te aho Penitekoho.

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

Fakaaliga 2:1

“Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.