Gāluega 18:12 - Tokelauan New Testament

¹² I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 18:12 Referans Kwoze

Gāluega 18:27

Na fai te tonu a Apolo ko ia ka fano ki Akaia, oi kave ai te tuhi a te kau Kelihiano i Efeho ki te kau Kelihiano i Akaia, ke ki lātou talia i Apolo kāfai e pa ake. I te taunukuga o Apolo ki Akaia, na fai ia ma fehoahoani lahi ki a te ki lātou kua talitonu, e ala i te alofa tūnoa o te Atua.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 13:7

Nae he uō e a Hekio Paulo, te Kōvana o te motu. Ko Hekio he tino poto ma na fekau e ia ia Panapa ma Haulo ke ōake, ona nae fia fakalogo ki te kupu a te Atua.

2 Kolinito 11:10

E ala i te meamoni e uiga ki a Keliho i loto ia te au, e takutino atu ai e au, e hēai he tino i Akaia kātoa e ia mafaia oi tāofi toku fāfia.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

1 Kolinito 16:15

E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

Gāluega 25:10

Kua lea atu ia Paulo, “Ko au e i mua nei o te fakamahinoga a te Kaihala, te mea e tatau ke fakamahino ai au. E hēai he mea hehē kua kō faia ki nā tino Iutaia, e vē ona iloa lelei lava e koe.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Mataio 27:19

Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Iakopo 2:6

Kae kua fai e koutou te mea e fakamahiahi ai nā tino mātitiva. Ko ai te honafaia koutou ma kavea koutou ki te fakamahinoga? Ko nā tino mau koloa!

Loma 16:5

E fakafeiloaki atu ki nā tino i nā Ekalehia e fai a lātou māfutaga lotu i o lātou fale. E fakafeiloaki atu foki ki taku uō pele ko Epaineto, ko ia te tino i te kogāfenua o Ahia, na muamua liliu ki a Keliho.

Gāluega 17:5

Kae ko iētahi tino Iutaia kua maua i te lotokino, ma kua ki lātou fakamāopoopo maia he kaifenua o nā tino tataka holo i nā auala. Kua fakatupu e ki lātou te piha ma te vevehi i loto o te kakai kātoa ma ohofaki e ki lātou te fale o he tamāloa e igoa ki a Iahona, i he taumafaiga ke hakili ia Paulo ma Hila ke kaumai ki tagata.

Gāluega 13:12

Kua kitea e te Kōvana te mea kua tupu, oi talitonu ai; auā na ofo lahi lele i nā akoakoga e uiga ki te Aliki.

Ioane 19:13

I te lagona atuga e Pilato nā fakakupuga iēnei, oi kave ai e ia ia Iehu ki fafo, ma nofo ki luga o te nofoa fakamahino i te mea e takua ko te “Ala Folafatu” (Ko te igoa i te gagana Epelu ko te “Kapata.”)

Gāluega 13:8

Kae na teteke ki a te ki lāua te taulāitu ko Eluma (ko tona igoa ia i te gagana Eleni), ma nae taumafai ke tataki kehe te Kōvana ke nahe talitonu ki te Atua.

Gāluega 18:11

Oi na nofo ai ia Paulo i kinā i he tauhaga ma te āfa, ma akoako atu te kupu a te Atua ki tagata.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.

1 Tehalonia 2:14

Te kau uho, e tutuha lava te mea na pa koutou ki ei ma te mea na pa ki ei nā tino kua ia Keliho Iehu i nā Ekalehia a te Atua i Iutea. Na pakia koutou i nā fakahāuāga mai nā tino lava o koutou, e vē foki lava oi pakia ki lātou i nā fakahāuāga a tagata Iutaia,

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.