Gāluega 18:10 - Tokelauan New Testament

¹⁰ auā ko au e i ei fakatahi ma koe. E hēai he tino e ia mafaia oi fai he mea ke ogohia ai koe, auā i te kakai tēnei, e tokalahi oku tagata e nonofo ai.”

Gāluega 18:10 Referans Kwoze

2 Kolinito 12:9

Kae na tali mai vē, “Ko toku alofa tūnoa e lava mo koe, auā ko toku mana e kātoatoa te mālohi i nā taimi e vāivai ai koe.” Ko au la e fiafia lahi ke fāfia i oku vāivaiga, kae ke ia te au ai te puipuiga a te mana o Keliho.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Loma 8:31

Ka vēhea ake nei la ki tātou e tuha ai ma te mea tēnei? Kāfai te Atua e kau fakatahi ma ki tātou, ko ai la te mafai oi teteke mai ki a te ki tātou?

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

2 Timoteo 4:22

Ke fakatahi te Aliki ma koutou. Ke ia te koutou uma te alofa tūnoa o te Atua.

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Mataio 10:30

Kae e pa foki lava kinā laulu i outou ulu, kua uma te faitau.

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Luka 21:18

Kae e hēai he laulu e fokotahi o outou ulu e pakū kehe.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Mataio 1:23

“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).

Gāluega 15:14

Na fātoā uma atu nei lava te fakamālamalama e Himona, pe na vēhea ona muamua āhiāhi te Atua ki tagata nukukehe, ma ia kave kehea mai ia te ki lātou, ni tino ke fai ma ona tagata.

Gāluega 18:9

I tētahi pō, na kitea ai e Paulo te Aliki i he fakaaliga e lea vē mai ki a te ia, “Ia koe nahe mataku, kae tautala pea lava ki a te ki lātou, ma nahe kē fakavāivai lele,

Gāluega 18:11

Oi na nofo ai ia Paulo i kinā i he tauhaga ma te āfa, ma akoako atu te kupu a te Atua ki tagata.