Gāluega 17:6 - Tokelauan New Testament

⁶ Kae e hēki maua e ki lātou te toka lua ki kinā, ma ko te mea ia na toho ai e ki lātou ia Iahona ma iētahi tino kua talitonu ma kave ki mua o te taupulega ma taufōlulua vē, “Ko nā tino iēnei kua ki lātou fakatupuagia te vevehi i ho he koga e olo ki ei! Nei, kua ōmamai ki to tātou kakai,

Gāluega 17:6 Referans Kwoze

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 17:5

Kae ko iētahi tino Iutaia kua maua i te lotokino, ma kua ki lātou fakamāopoopo maia he kaifenua o nā tino tataka holo i nā auala. Kua fakatupu e ki lātou te piha ma te vevehi i loto o te kakai kātoa ma ohofaki e ki lātou te fale o he tamāloa e igoa ki a Iahona, i he taumafaiga ke hakili ia Paulo ma Hila ke kaumai ki tagata.

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”