Gāluega 17:11 - Tokelauan New Testament

¹¹ Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Gāluega 17:11 Referans Kwoze

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

Mataio 13:23

Ma ko nā fatu haito na lūlū ki luga o te kelekele lelei, e fakatuha ki nā tino e lagona te fekau ma mālamalama lelei ai; e fua mai e ki lātou nā fua, ko iētahi e taki tau helau, ko iētahi e taki tau onohefulu, ma iētahi e taki tau toluhefulu.”

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

Ioane 3:21

Ka ko nā tino e ki lātou faia te mea e tonu, e ōmamai ki te mālamalama kae ke kitea ai i te mālamalama, ko nā mea e ki lātou faia, e fai i luga o te uhitaki ki te Atua.

2 Tehalonia 2:10

ma fakaaogā nā āmioga hehē uma lele ki nā tino e tuku e fakaumatiagia. Ka fakaumatia ki lātou auā e hēki ki lātou taliagia ma alolofa ki te fekau moni e uiga ki to tātou Aliki, ma mafai ai ke fakaolagia ki lātou.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Iakopo 1:21

Ko te mea ia e tatau ai ke tīaki e koutou nā āmio mātagā ma nā uiga kino uma, kae talia ma te loto maulalo te kupu kua uma te ia totōagia i outou loto ke maua ai e koutou te fakaolataga.

Gāluega 10:33

Oi na fekau atu ai loa lava koe i te taimi tēnā, ma kua alofa mai ai koe ke hau. I te taimi la tēnei, ko ki mātou uma kua i kinei i mua o te Atua, e fakatalitali ke fakalogo ki mātou ki nā mea uma na fakatonu atu e te Aliki, ke tautala ai koe”

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 11:1

Kua lagona e te kau apohitolo ma nā tino i Iutea kātoa kua talitonu ki te Aliki, kua talia e tagata nukukehe te kupu a te Atua.

Luka 16:29

“Kua tali atu ia Apelaamo, ‘Kua ia te ki lātou ia Mohe ma te kau pelofeta. E tatau nā uho o koe ke fakalogo ki nā mea kua tuhituhia e ki lātou.’

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Luka 11:3

Fōki mai i nā aho takitahi, nā meakai e ola ai ki mātou.