Gāluega 16:9 - Tokelauan New Testament

⁹ Ma i te pō tēnā, na kitea ai e Paulo i he fakaaliga, he tino Maketonia e tū kae fakatālohaga vēnei ake, “Hau ko ki Maketonia, oi fehoahoani ki a te ki mātou!”

Gāluega 16:9 Referans Kwoze

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

Gāluega 20:1

Kua māona atu te vevehitū, oi fakapotopoto ai e Paulo te kau Kelihiano, ma ina kua uma te ia kavatua ki ei o ni kupu fakamākeke, oi fakamāvae atu ai ki a te ki lātou, ma malaga ai loa ki Maketonia.

1 Tehalonia 4:10

ma e moni lava ma fakamāoni, te koutou alolofa ki te kau uho uma lele i Maketonia. Oi ko ki mātou e talohaga atu ki a te koutou o mātou uho, ke haga fakaatili pea lava te koutou alolofa.

2 Kolinito 12:7

Kae ke tāofiofi ai au ke nahe hona mimita ona ko te lahi o nā mea mānanaia na kitea e au, na tuku mai ai ki toku tino he tauale tīgāina, ke galue e vē he kavefekau e a Hātani, ke fai ma fakahoehā ma ke nahe hona fiafia ai au.

2 Kolinito 11:9

Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 8:1

Te kau uho, ko ki mātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.

2 Kolinito 7:5

Ke pa lava ki te kua taunuku o ki mātou ki Maketonia, e hēki maua lele ha mātou malōlōga. Na maua ki mātou i nā fakafītāuli kehekehe; nae tauai kupu ma iētahi tino, ma lagona te mataku i o mātou loto.

Gāluega 20:3

oi nofo ai i kinā i ni māhina e tolu. Kua hāuni ia Paulo e malaga i he vaka ki Hulia, kae ia maua te fakamatalaga ko ia e lama e ni tino Iutaia; oi fai ai tana tonu ke toe liliu oi kui atu i loto o Maketonia i tona auala ki Ieluhalema.

Gāluega 10:30

Kua tali atu ia Konelio, “E tuha kua tolu ia aho kua teka, i te taimi foki lava tēnei ka koi tatalo au i toku fale i te tolu i te afiafi. Kae nā lava e teki ko he taulealea e kofu pupula kua tū mai i oku mua

Gāluega 10:3

E tuha ko te tolu i te afiafi kae ia kitea manino i he fakaaliga, he agelu a te Atua kua ulu mai ki te fale oi lea vē ake ki a te ia, “Konelio!”

Gāluega 9:38

Ko Iopa e hē mamao lahi te va ma Lūtā, ma i te lagonaga e nā tino kua talitonu i Iopa ko Petelu e i Lūtā, oi uga ai e ki lātou ni taulelea e toka lua ki ei ma he fekau e vēnei, “Fakamolemole ko, hau fakavave ki kinei.”

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 16:12

Mai kinā oi olo ai ki mātou ki Filipi, he kakai o te itūmālō muamua o Maketonia; he kolone foki e o Loma. Na faitau aho ki mātou i kinā.

Gāluega 19:22

Oi na uga ai e Paulo ia Timoteo ma Elahito, ni tino e toka lua o nā tino nae fehoahoani ki a te ia, ke olo ki Maketonia, kae kua toe nofo ia mo ni aho i te itūmālō o Ahia.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Gāluega 27:2

Na hohopo ki mātou ki he vaka na hau mai Atalamuteno ma kua hāuni ka malaga ki nā taulaga o te itūmālō o Ahia, ma na tukuvaka ai loa ki mātou. Nae fakatahi ki mātou ma Alihitako, he tino Maketonia e hau i Tehalonika.