Gāluega 16:22 - Tokelauan New Testament

²² Oi kaukau fakatahi ai te kaifenua ma taumafai oi fakaogohia ia Paulo ma Hila. Oi fakatonu ai e nā fakamahino ke tahae kehe nā kofu o Paulo ma Hila, kae kini.

Gāluega 16:22 Referans Kwoze

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

Epelu 11:36

Ko iētahi nae fakatauemu ki ei ia tagata ma kini, ma ko iētahi nae haihai i nā filifili ukamea ma togi ki te falepuipui.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 17:5

Kae ko iētahi tino Iutaia kua maua i te lotokino, ma kua ki lātou fakamāopoopo maia he kaifenua o nā tino tataka holo i nā auala. Kua fakatupu e ki lātou te piha ma te vevehi i loto o te kakai kātoa ma ohofaki e ki lātou te fale o he tamāloa e igoa ki a Iahona, i he taumafaiga ke hakili ia Paulo ma Hila ke kaumai ki tagata.

Gāluega 16:37

Ka kua lea vē atu ia Paulo ki nā leoleo, “E hēki i ei he fakamāoniga o ha mā holitūlāfono, kae ko ki māua na kini i mua o tagata — oi ka ko ki māua ni tagatānuku Loma! Na togi ki māua e ki lātou ki te falepuipui. Kae nei kua fofou ko ki māua ke tatala munimuni mai te fale puipui? E hēai he mea vēnā! E tatau lava ke ōmamai nā fakamahino Loma ki kinei oi tatala ki māua.”

Gāluega 5:40

Oi fakatonu ai e ki lātou ke kaumai te kau apohitolo ki te fono ma ke kini, ma fakatonu ai ke nahe ki lātou toe tautatala lele i te igoa o Iehu; oi tuku ai ke olo.

Mataio 27:26

Oi tatala fakahaoloto ai e Pilato ia Palapa ki a te ki lātou; kae kua fakatonu e ia ke kini ia Iehu, ma tuku atu ai loa ke fakahātaulo.

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.