Gāluega 16:2 - Tokelauan New Testament

² Nae taku leleia lele ia Timoteo e te kau Kelihiano uma i Luotala ma Ikononu.

Gāluega 16:2 Referans Kwoze

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Epelu 11:2

Ko te fakatuatua o nā tino i nā aho anamua na talia ai ki lātou e te Atua.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

1 Timoteo 3:7

E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.

Gāluega 16:40

Na tukua loa e Paulo ma Hila te falepuipui, kae olo ki te fale o Litia. I kinā, na feiloaki ai ki lāua ma nā tino kua talitonu ki a Iehu, ma kavatu ai e ki lāua ki ei ni kupu fakamākeke, oi olo kehe ai.

Gāluega 14:21

Na tālaki e Paulo ma Panapa te Tala Lelei i Tepene, ma e tokalahi nā tino na maua ke fai ma hoko o Iehu. Oi toe foki ai ki Luotala, ma Ikononu, ma ki Anitioka i Pihitia.

Gāluega 13:51

Na tūtū kehe e nā apohitolo te pefu mai o lā vae, ke fakailoa ai ki tagata o te kakai to lā hē fiafia, ma na olo ai ki Ikononu.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

1 Timoteo 5:25

E vēnā foki oi kitea gōfie nā gāluega lelei, ma e pa foki lava ki nā gāluega e hē kitea gōfie, e hē mafai ke mumunia.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 14:1

Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 14:6

I te iloaga e nā apohitolo te mea tēnei, oi hōhola ai ki nā kakai ko Luotala ma Tepene i Lukaonia, ma iētahi koga e pili ki ei.

Filipi 2:22

Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi ki māua e vē lava he ataliki ki a te au, i te tālakiga o te Tala Lelei.