Gāluega 16:16 - Tokelauan New Testament

¹⁶ I tētahi aho, ka koi haeleele atu ki mātou ki te mea e māhani lava oi fai talohaga ai nā tino Iutaia, kae fetaui ki mātou ma he tautiti pologa nae ulufia e he agaga kino, ma nae ia mafaia oi vavalo nā mea ka tutupu i te lumanaki. Nae lahi nā tupe nae ia maua mo tona matai, e ala i ana gāluega vavalo nae fai mo tagata tau tokatahi.

Gāluega 16:16 Referans Kwoze

Kalatia 5:20

ko te ifo ki tupua ma te fai mea fakataulaitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma fai itū kau;

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

2 Timoteo 3:8

E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho.

Gāluega 16:18

E lahi lele nā aho na fai ai tana mea tēnei, ma kua fai ma mea e tīgā ai te loto o Paulo ma na māfuli atu ai oi lea vē atu ki te agaga kino, “I te igoa o Iehu Keliho e kō fakatonua atu ai koe ke hau loa ki fafo o te tautiti tēnā!” Ko te taimi lava tēnā na hau ai ki fafo o te tautiti te agaga kino.

Gāluega 16:13

I te Hāpati na olo ai ki mātou ki fafo o te kakai ki te kautafa o te vai, ki he koga na iloa e ki mātou e māhani lava oi maopoopo ki ei nā tino Iutaia ke fai talohaga ai. Na nonofo ki mātou ki lalo ma talanoa ki nā fafine kua maopoopo i kinā.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

Gāluega 19:24

Nae i ei he tino gaohi mea e fai i nā hiliva e igoa ki a Temetilio, nae fai ana tamā fakatuha hiliva o te mālumalu o te atua fafine ko Atemito, ma na lahi lele nā tupe a tana kau faigāluega nae maua i tana pihinihi.

Gāluega 16:19

Kua hāfia atu e nā matai o te tautiti ko te avanoa ke maua ai ni a lātou tupe kua fakahēai, oi puke ai e ki lātou ia Paulo ma Hila ma toho ki te fale fakamahino i te nofoaga e tumutumu ki ei ia tagata.