Gāluega 16:10 - Tokelauan New Testament

¹⁰ I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 16:10 Referans Kwoze

Gāluega 14:7

I kinā na folafola ai e ki lāua te Tala Lelei.

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 26:13

Tau Afioga te Tupu, ko luga o te auala i te tūpou o te la, na kō kitea ai he mālamalama e hili atu tona pupula i lo te pupula o te lā, kua fanaifo mai te lagi ma huhulu fakatakamilo ia te au ma nā taulelea na malaga fakatahi ki mātou.

Gāluega 10:29

Ma i te kalaga atuga o koutou ko au ke hau, na tū ake lava au oi hau e aunoa ma hoku fehili. Ko au la e fehili atu pe ko he ā te na kalaga atu ai koutou ko au ke hau.”

Gāluega 9:10

Nae i Tamaheko he tino kua talitonu ki te Aliki e igoa ki a Anania. Na ia kitea he fakaaliga na vāgana vē ake ai te Aliki ki a te ia, “Anania!” Kua tali atu ia, “Te Aliki, ko au tēnei.”

Gāluega 16:9

Ma i te pō tēnā, na kitea ai e Paulo i he fakaaliga, he tino Maketonia e tū kae fakatālohaga vēnei ake, “Hau ko ki Maketonia, oi fehoahoani ki a te ki mātou!”