Gāluega 15:7 - Tokelauan New Testament

⁷ Na mataloa lele nā talatalanoaga ma na tū ai ki luga ia Petelu oi lea vē atu, “Te kau uho, e iloa e koutou ko au na filifilia e te Atua mai ia te koutou i te kāmataga, ke tālakia te Tala Lelei ki tagata nukukehe, kae ke ki lātou iloa ma talitonu ai ki te Aliki.

Gāluega 15:7 Referans Kwoze

Gāluega 15:2

Na teteke lahi lele ia Paulo ma Panapa ki te akoakoga tēnei, ma na fai ai te tonu ke olo ia Paulo ma Panapa ma ni tino mai Anitioka ki Ieluhalema, ke talanoa ki te kau apohitolo ma nā toeaina o te ekalehia, e uiga ki te matākupu tēnei.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 10:20

Ko te mea ia, tū loa ki luga oi fano ki lalo, ma ia koe nahe fakanofonofo ke olo koutou ma nā taulelea, auā na kō uga maia ki lātou.”

Filipi 2:14

Fai autou gāluega uma e aunoa ma te mūimui pe tauaikupu,

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Gāluega 4:25

Na vāgana koe ki to mātou tupuna ko Tavita tau kaukauna e ala i te Agaga Paia, i te leaga vēia, ‘He ā te na feita ai ia tagata nukukehe; he ā te na fai ai e tagata a lātou fuafuaga e hēai he aogā?

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Gāluega 1:24

Oi fai ai te lātou tatalo, “Te Aliki, e kē iloa ia loto o tagata uma lele. Ko te mea ia, te Atua e, fakaali mai ki a te ki mātou pe ko ai o te toka lua tēnei kua kē filifilia

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 3:27

Kua tali atu ia Ioane, “E hēai he mea e fokotahi e mafai ke maua e he tino, vaganā te mea e fōki ki ei e te Atua.

Gāluega 10:19

Koi tau māfaufau lava ia Petelu pe ko he ā te uiga o te fakaaliga, kae vāgana mai ki ei te Agaga Paia, “Kikila, e toka tolu ia taulelea e ki lātou hakilia koe.

Gāluega 15:14

Na fātoā uma atu nei lava te fakamālamalama e Himona, pe na vēhea ona muamua āhiāhi te Atua ki tagata nukukehe, ma ia kave kehea mai ia te ki lātou, ni tino ke fai ma ona tagata.

Gāluega 21:16

Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.