Gāluega 15:11 - Tokelauan New Testament

¹¹ Hēai! Ko ki tātou kua talitonu ma e fakaolagia e ala i te alofa tūnoa o te Aliki ko Iehu Keliho, e vē foki lava ko ki lātou.”

Gāluega 15:11 Referans Kwoze

Loma 3:24

Kae ona ko te alofa tūnoa o te Atua, tana meaalofa fōki fua mai, kua fakalelei ai te va o ki tātou uma ma ia, e ala i te togihala kua hāunia e Keliho Iehu, ke maua ai e ki tātou te haolotoga.

Tito 2:11

Auā kua fakaalia e te Atua tona alofa tūnoa e ala i te fakaolataga kua ia hāunia mo tagata uma.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

1 Kolinito 16:23

Ke ia te koutou te alofa tūnoa o te Aliki ko Iehu.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 5:15

Kae ko te meaalofa fōki fua e hē vē ko te agahala a Atamu. E hako e tokalahi na feoti ona ko te agahala a he tino e fokotahi. Kae ko te alofa tūnoa o te Atua e hili lele atu te lahi, ma vēnā tana meaalofa fōki fua mo te tokalahi o tagata e ala i te alofa tūnoa o he tino e fokotahi, ko Iehu Keliho.

Kalatia 1:6

Ko au e ofo ki te vave lele oi fulitua o koutou ki tē na kalagagia koutou e ala i te agalelei o Keliho, ma talia hētahi talitonuga e lea nā tino ko he tala lelei.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.