Gāluega 15:10 - Tokelauan New Testament

¹⁰ He ā la te kua tofotofo ai e koutou te Atua i te kua fakauta e koutou o he kavega ki luga o nā tino kua talitonu ki te Aliki, he kavega na hēki mafai e o tātou tupuna pe ko ki tātou oi taukave?

Gāluega 15:10 Referans Kwoze

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Mataio 23:4

E tanoa e ki lātou nā kavega mamafa ma amo gatā ki nā tua o tagata, oi kae e hē fia fehoahoani lele ki te amoga o nā kavega iēnā.

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

Epelu 9:9

Ko he fakahinoga tēnei e fakatatau mo te taimi nei. Ko tona uiga ko nā meaalofa ma nā tāulaga ki te Atua e fai i nā manu, e hē mafai ke lelei kātoatoa ai nā loto o tagata tāpuaki e vē ko te tūlaga e tatau ke i ei ai,

Epelu 3:9

Na tofotofo au e ki lātou i kinā, kua vāgana ai te Atua, e ui lava na ki lātou kitea nā mea na fai e au i nā tauhaga e fahefulu.

Mataio 4:7

Kua tali mai ia Iehu, “E lea mai foki te tuhituhiga paia, ‘Nahe kē tofotofoa te Aliki tō Atua.’ ”

Gāluega 5:9

Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”