Gāluega 14:1 - Tokelauan New Testament

¹ Ko te mea na fai e Paulo ma Panapa i Anitioka na fai foki e ki lāua i Ikononu. Kua olo ki te hūnako e tāpuaki ai nā tino Iutaia ma folafola atu ai te Tala Lelei, ma e tokalahi lele nā tino na talitonu ki a Iehu, ni tino Iutaia vēnā ma ni tino nukukehe.

Gāluega 14:1 Referans Kwoze

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Gāluega 13:51

Na tūtū kehe e nā apohitolo te pefu mai o lā vae, ke fakailoa ai ki tagata o te kakai to lā hē fiafia, ma na olo ai ki Ikononu.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 14:21

Na tālaki e Paulo ma Panapa te Tala Lelei i Tepene, ma e tokalahi nā tino na maua ke fai ma hoko o Iehu. Oi toe foki ai ki Luotala, ma Ikononu, ma ki Anitioka i Pihitia.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Loma 10:12

Ko te mea tēnei e aofia ai ia tagata uma, auā e hēai he mea e kehekehe ai ia tagata Iutaia ma tagata nukukehe; ko te Atua ko te Aliki ia e tahi o tagata uma, ma e ia kavatua nā fakamanuiaga e lahi mo ki lātou uma e kālalaga atu ki a te ia.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 17:12

E tokalahi nā tino na talitonu; ma e tokalahi nā fafine Eleni mai nā kāiga tūtūlelei ma tokalahi nā taulelea Eleni na talitonu foki.

Gāluega 17:4

Ko iētahi tino o ki lātou na talitonu ma na kau fakatahi ai ma Paulo ma Hila; na vēnā foki te tokalahi o nā fafine takutakua i te kakai ma nā tino Eleni, kua talitonu ma tāpuaki ki te Atua.

Gāluega 13:43

Kua tākape te maopoopoga i te hūnako, oi taumulimuli ai ki a Paulo ma Panapa nā tino Iutaia e tokalahi, vēnā ma nā tino nukukehe e tokalahi kua liliu ki te tāpuakiga Iutaia. Oi tautatala atu ai nā apohitolo ki a te ki lātou, ma fakamākekeke ki ei ke tūmau pea to lātou ola fakalagolago ki te alofa tūnoa o te Atua.

Gāluega 11:21

Na fehoahoani lahi te Atua ki a te ki lātou ma e tokalahi lele nā tino na talitonu ma liliu ki te Aliki.

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 17:17

Ko te mea ia nae talatalanoa ai ma nā tino Iutaia i te hūnako fakatahi ma nā tino nukukehe nae tāpuaki ki te Atua. Na talatalanoa foki ma nā tino i te māketi vēnā ma ki lātou na kui atu i kinā.

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Ioane 12:20

E i ei ni tino Eleni nae i te vāega na olo ki Ieluhalema ke tāpuaki ai i te taimi o te Kaiga Fakamanatu o te Pāheka.

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Kolohe 3:11

Ma ko te mea ia, kua hē toe i ei ai he kehekehega o nā tino Iutaia ma nā tino nukukehe, nā tino kua pelitome ma ki lātou e hēki pelitomea, nā tino hē taupulea, nā tino fakapaupau, nā pologa, ma nā tino haoloto, kae ko Keliho ko te kātoaga ia o nā mea uma, ko ia e i nā mea uma.

Kalatia 2:3

Ko toku hoa ki a Tito, e ui ko he tino Eleni kae e hēki fakamālohiagia ke pelitome,

Gāluega 19:10

Na kātoa te lua tauhaga nae fai ai e ia te mea tēnei, ma ko nā tino uma nae nonofo i te itūmālō o Ahia, nā tino Iutaia ma nā tino nukukehe, na ki lātou lagona te kupu a te Aliki.

Maleko 7:26

Ko te fafine ko he Eleni, na fānau i Foinike i Hulia. Kua fakatagi ki a Iehu ke tuli kehe te tēmoni e ulufia ai tana tama teine.

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 16:2

Nae taku leleia lele ia Timoteo e te kau Kelihiano uma i Luotala ma Ikononu.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.