Gāluega 13:3 - Tokelauan New Testament

³ Kua fakalāina ia tagata o te Ekalehia ma fai talohaga ma fakaeke atu o lātou lima ki luga o te toka lua tēnei, oi uga ai ke olo.

Gāluega 13:3 Referans Kwoze

Gāluega 6:6

Kua tuku atu ki lātou iēnei e te fakapotopotoga ki te kau apohitolo, oi tatalo ai te kau apohitolo ma fakaeke atu ki ei o lātou lima.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

1 Timoteo 4:14

Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

3 Ioane 1:8

Ko ki tātou la nā tino Kelihiano, e tatau ke fehoahoani ki nā tino iēnei, kae ke mafai ke gālulue fakatahi ki tātou ma ki lātou, mo te meamoni.

1 Timoteo 5:22

Nahe vavevave oi fakauta ō lima ki luga o nā tino ke fakapaia mo te gāluega a te Aliki, pe kau fakatahi i te agahala a he tino; kae e tatau koe ke mamā i taimi uma.

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Gāluega 14:26

ma mai kinā, na folau atu ai ki Anitioka, te nofoaga na tuku atu ai ki lāua ki te kikilaga ma te alofa tūnoa o te Atua, mo te gāluega tēia kua uma te fakatino e ki lāua.

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

2 Timoteo 1:6

Ko te mea ia e fakamanatu atu ai e au ki a te koe, ke fakaolaola pea lava te meaalofa na fōki atu e te Atua ki a te koe, i te fakaeke atuga o nā lima o oku ki ō luga.

Gāluega 15:40

ka kua filifili e Paulo ia Hila ma olo kehe ai, kua tuku atu ki lāua e te kau Kelihiano ki te tauhiga ma te alofa tūnoa o te Aliki.

3 Ioane 1:6

Na ki lātou fakailoagia ki te Ekalehia i kinei, e uiga ki tō alofa. Fakamolemole fehoahoani ki te fakaauauga o te lātou malaga i he faiga e fiafia ki ei te Atua.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Gāluega 1:24

Oi fai ai te lātou tatalo, “Te Aliki, e kē iloa ia loto o tagata uma lele. Ko te mea ia, te Atua e, fakaali mai ki a te ki mātou pe ko ai o te toka lua tēnei kua kē filifilia

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.