Gāluega 13:25 - Tokelauan New Testament

²⁵ Ma kua tau fakauma te gāluega a Ioane, oi lea vē atu ai ki tagata, ‘Ko koutou nei e vēakē ko ai au? E hē ko au te tino e fakatalitali koutou ki ei. Kae fakalogo mai! Ko te tino e fakatalitali koutou ki ei e hau mulimuli kāfai e uma aku gāluega, ma e hē aogā au ke kō tatala kehea nā taka mai ona vae.’

Gāluega 13:25 Referans Kwoze

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Maleko 1:7

Ma nae folafola vēnei atu e ia ki tagata, “E mulimuli mai ia te au he tino e hilihili lele atu tona mamalu i lo au. E hē aogā au ke punou ifo ki lalo oi tatala ona hēvae.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Fakaaliga 11:7

Kāfai e uma te molimaugia e ki lāua te fekau a te Atua, e fanake ki luga te manu fekai mai te lua e hēai he gataga o tona loloto, oi tau ma ki lāua; ma ka ia fakatōkilalogia ma tāmatea ki lāua,

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”

Gāluega 13:36

Auā na fakataunuku e Tavita nā fuafuaga a te Atua ka koi ola ai. Kae i te otiga, na tanu fakatahi ma ona tupuna, ma na pala tona tino.

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 1:36

ma i te ia kitea atuga o Iehu e havali ake, oi lea ai vē, “Kikila, tēia te Punuamāmoe a te Atua!”

Ioane 1:34

Kua kō kitea,” kua lea vēnā atu ia Ioane, “ma e lea atu au ki a te koutou, ko ia tēnei ko te Ataliki o te Atua.”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!