Gāluega 13:15 - Tokelauan New Testament

¹⁵ Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 13:15 Referans Kwoze

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Gāluega 15:21

Auā ko te Tūlāfono a Mohe kua leva te faitau i loto o nā hūnako i nā Hāpati takitahi, ma ko ana kupu e tālaki atu ki nā kakai uma.”

Maleko 5:22

Kua pa atu ki kinā ia Iāilo, ko hētahi o takitaki o te hūnako ma i te ia kitea atuga o Iehu, oi fakapakū ai ki tafa o ona vae,

1 Kolinito 14:3

Kae ko nā tino e ki lātou folafola te fekau mai te Atua, e tautatala ki tagata ma kavatu ki ei te fehoahoani, te fakamālohi, ma te fakamāfanafana.

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

Gāluega 22:1

“Te kau uho ma oku tamana Iutaia, fakalogo mai ake ke fai atu taku fakamatalaga, ke kitea ai e koutou e hēai haku mea hehē na fai!”

Gāluega 18:17

Kua puke e ki lātou uma ia Hohetene te takitaki o te hūnako, ma kini i mua o te fakamahinoga. Kae e hēki tokaga lele ki ei ia Kaliono.

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.

Gāluega 20:2

Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 15:7

Na mataloa lele nā talatalanoaga ma na tū ai ki luga ia Petelu oi lea vē atu, “Te kau uho, e iloa e koutou ko au na filifilia e te Atua mai ia te koutou i te kāmataga, ke tālakia te Tala Lelei ki tagata nukukehe, kae ke ki lātou iloa ma talitonu ai ki te Aliki.

Gāluega 7:2

Kua tali atu ia Hetefano, “Oku uho ma oku tamana, fakalogo mai ake! Ka ko hēki fano to tātou tupuna ko Apelaamo oi nofo i Halana, na fakailoa ki a te ia te Atua o vīkiga, i Mehopotamia

Gāluega 2:37

Na tuia lahi lele nā loto o tagata i te fakalogo atuga ki te mea tēnei, oi na lea vē atu ai ki lātou ki a Petelu ma iētahi apohitolo, “O mātou uho, he ā nei ta ki mātou ka fai?”

Gāluega 2:29

“Te kau uho, e tatau ke fakamanino atu e au e uiga ki to tātou tupuna takutakua, te Tupu ko Tavita. Ko Tavita na oti ma na tanu, ma ko tona tugamau e i kinei lava ke pa mai ki te aho nei.

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Luka 16:16

“Ko nā Tūlāfono a Mohe ma nā tuhituhiga a te kau pelofeta, nae fakaaogā lava ke pa ki nā aho o Ioane te Papatiho; na kāmata mai i te taimi tēnā, te folafolaga o te Tala Lelei e uiga ki te Mālō o te Atua, ma kua taumafai ia tagata uma ke olo fakamālohi ki te mea e pule ai te Atua.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

1 Tehalonia 2:3

Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino.