Gāluega 13:14 - Tokelauan New Testament

¹⁴ Na fakaauau pea te lātou malaga mai Pelekē ma taunuku ki Anitioka i Pihitia; ma kua pa ki te Hāpati oi olo ai ki te hūnako ma nonofo ki lalo.

Gāluega 13:14 Referans Kwoze

Gāluega 16:13

I te Hāpati na olo ai ki mātou ki fafo o te kakai ki te kautafa o te vai, ki he koga na iloa e ki mātou e māhani lava oi maopoopo ki ei nā tino Iutaia ke fai talohaga ai. Na nonofo ki mātou ki lalo ma talanoa ki nā fafine kua maopoopo i kinā.

Gāluega 17:2

Na fano ia Paulo ki te hūnako, e vē lava ko tana māhani. I kinā, e tolu ia Hāpati nae talatalanoa ai ma tagata ma na hiki mai e ia ni kupu mai nā Tuhituhiga Paia,

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 13:44

I te Hāpati na hohoko ai, na ōmamai ai toetoe lava ko nā tino uma i te kakai, ke fakalogologo ki te kupu a te Aliki.

Gāluega 13:42

Kua tutū atu ia Paulo ma Panapa ka olo kehe mai te hūnako, kae talohaga mai ki ei ia tagata ke toe ōmamai i te Hāpati ka hohoko mai, ke fakaauau a lā talanoaga ki nā mea iēnei.

Gāluega 9:20

Ma i loto o nā hūnako, na folafola atu e ia ki tagata, ko Iehu ko te Ataliki o te Atua.

Luka 4:16

Oi fano ai ia Iehu ki Nahaleta, te nuku na ola ake ai. Kua pa ki te Hāpati, oi fano ai ki te hūnako, e vē ko tana māhani. Na tū ki luga ke ia faitaua nā Tuhituhiga Paia,

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.