Gāluega 13:1 - Tokelauan New Testament

¹ Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 13:1 Referans Kwoze

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Gāluega 15:35

Na tau māhina te mataloa o te taimi na nonofo ai ia Paulo ma Panapa i Anitioka, ma nae gālulue fakatahi ma iētahi tino e tokalahi i te akoakoga ma te folafolaga o te kupu a te Aliki.

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Gāluega 13:9

Oi fakatumulia ai ia Haulo — e igoa foki ki a Paulo — e te Agaga Paia; kua kikila hako atu ia Paulo ki te taulāitu,

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Filipi 4:22

E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.

Kalatia 2:13

Ma ko iētahi uho Kelihiano Iutaia, kua kāmata foki oi hui o lātou uiga e vē ko Petelu, ma ke pa foki lava ki a Panapa, na mulimuli foki ki nā uiga fakagutugutulua iēnei.

1 Kolinito 9:6

Pe ko te mea ko ki māua oioti lava ma Panapa te tatau ke gālulue mo ni totogi ke tauhi ai lava ki māua?

Loma 16:21

E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

Gāluega 21:9

E toka fa ona afafine ko hēki fakaipoipo, nae folafola e ki lātou te fekau a te Atua.

Gāluega 19:6

Na fakaeke atu nā lima o Paulo ki o lātou luga, oi afio ifo ai te Agaga Paia ki o lātou luga; na tautatala ki lātou i nā gagana kehekehe, ma folafola atu e ki lātou te fekau a te Atua.

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

1 Tehalonia 5:20

nahe koutou inoino ki nā fekau mai te Atua e kui mai i nā tino kua ia tōfia.

Gāluega 12:25

Kua uma te fakatino e Panapa ma Haulo te mea na ala ai o na olo ki Ieluhalema, oi toe olo kehe ai ma kave e ki lāua ia Ioane Maleko.

Gāluega 9:1

I te taimi tēnā, koi fai lava ia hāuāga a Haulo ma fakamataku e ia i te oti, nā tino kua talitonu ki te Aliki. Kua fano ki te Ulu Ohitāulaga

Mataio 27:32

Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu.

1 Kolinito 11:4

Ko te mea ia, ho he tamāloa e tatalo pe ia folafolagia te fekau a te Atua i he tāpuakiga kae tatao tona ulu, kua ia takuvaleagia tona ulu, ko Keliho tēnā.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 13:8

Ko te alofa e fakavavau. E i ei te mana e folafola ai te fekau mai te Atua, kae e hē tūmau; e i ei te mana e tautatala ai i nā gagana kehekehe, kae e fano e uma; e i ei te mālamalama, kae e fano e mavae.

1 Kolinito 14:29

E tatau ke tautatala he toka lua pe he toka tolu kua fōki ki ei te fekau a te Atua, kae fuafua tatau e iētahi tino nā mea e lea ai ki lātou.

1 Kolinito 14:32

Ko te meaalofa ko te folafolaga o te fekau a te Atua, e tatau ke i lalo o te kikilaga a te tino e ia folafolagia,