Gāluega 12:7 - Tokelauan New Testament

⁷ Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

Gāluega 12:7 Referans Kwoze

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

Gāluega 16:26

Kae nā lava e teki kua to he mafuie lahi ma lūlū ai te falepuipui i ona fakavae. I te taimi lava tēnā na mātalatala ai nā faitotoka o te falepuipui ma pakukū kehe nā filifili mai nā pagotā uma lele.

Gāluega 10:30

Kua tali atu ia Konelio, “E tuha kua tolu ia aho kua teka, i te taimi foki lava tēnei ka koi tatalo au i toku fale i te tolu i te afiafi. Kae nā lava e teki ko he taulealea e kofu pupula kua tū mai i oku mua

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Luka 24:4

Oi tutū ai i kinā, kua hē ki lātou hāfia te uiga o te mea tēnei, kae nā lava e teki ni tamāloa e toka lua kua tutū i o lātou tafa, ma ko o lā kofu e huhulu pupula.

Luka 2:9

Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou,

Gāluega 12:23

Ko te taimi lava tēnā na fakatauale ai ia Helota e te agelu, ona kua hē ia kavea te vīkiga ki te Atua. Kua kai tona tino e anufe ma na mate ai.

Gāluega 9:3

Ka koi faimalaga ia Haulo i tona auala ki te kakai ko Tamaheko ma kua tafapili atu ki ei, kae nā lava e teki ko he mālamalama mai te lagi kua huhulu fakatakamilo ia te ia.

Fakaaliga 18:1

Kua uma te mea tēnei, oi kō kitea atu ai he agelu e fanaifo ki lalo mai te lagi. Nae ia te ia he pule lahi, ma ko tona huhulu na māinafia ai te lalolagi kātoa.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Gāluega 12:6

I te pō lava na tonu ai ia Helota ke kave ia Petelu ki mua o tagata, ko Petelu nae moe i te va o ni fitafita e toka lua. Nae haihai nā lima i nā filifili e lua, ma e i ei nā fitafita nae leoleoa te faitotoka ki te falepuipui.

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Gāluega 12:8

Oi lea atu ai te agelu ki ei, “Fai tō fuhipaku, ma nonoa ō taka.” Na vēnā lava oi fai e Petelu, oi lea vē atu ai te agelu ki ei, “Fai tō kofu loloa, oi hau ai ta olo.”