Gāluega 12:19 - Tokelauan New Testament

¹⁹ Kua fakatonu e Helota ke hakili ia Petelu, kae e hēki ki lātou maua. Oi hukehuke ai e ia nā leoleo i te falepuipui ma na fakatonu ai e ia ke tāmate nā leoleo iēnei. Kua uma te mea tēnā, oi fano kehe ai ia Helota mai Iutea, ma kua fano oi nofo i Kaihaleia mo he vāitaimi.

Gāluega 12:19 Referans Kwoze

Gāluega 16:27

Kua teki ake ki luga te leoleo falepuipui, ma i te ia kiteaga ko nā faitotoka o te falepuipui kua mātalatala, na vē ake ai tona manatu ko nā pagotā kua hōhola kehe; oi na unu ake ai tana pelu ma tau pule ki tona ola.

Gāluega 21:8

I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Gāluega 12:6

I te pō lava na tonu ai ia Helota ke kave ia Petelu ki mua o tagata, ko Petelu nae moe i te va o ni fitafita e toka lua. Nae haihai nā lima i nā filifili e lua, ma e i ei nā fitafita nae leoleoa te faitotoka ki te falepuipui.

Gāluega 12:4

Na uma te puke o Petelu, oi kave ai ki te falepuipui, ma tukulima atu ai ke leoleo e ni vāega fitafita tau toka fa. Na fuafua e Helota ke fai te fakamahinoga o Petelu i mua o tagata, kāfai e uma te Pāheka.

Gāluega 8:40

Kua hāfia e Filipo ko ia kua i Ahōto; oi fano ai kua kui loto atu i nā kakai uma ke pa ki Kaihaleia, ma folafola atu te Tala Lelei.

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Gāluega 27:42

Na fai te tonu a nā fitafita ke tāmate uma nā pagotā, kae ke nahe mafai ke faikaukau ki gāuta ma hōhola ai.

Gāluega 25:13

Kua teka atu pe he lua vaiaho, kae ōifo te Tupu ko Akalipa ma Pelenike ki Kaihaleia oi āhiāhi ki a Fehetone.

Mataio 2:16

I te iloaga e Helota ko ia kua pelogia e nā tino malaga mai Hahae, oi ita lahi lele ai. Na fakatonu ai loa e ia ke tāmate nā tamaiti tāne uma mai te lua tauhaga agai ki lalo te mātutua, i Peteleema ma nā nuku e tuākoi ki ei — ko te tonu tēnei na fai fuafua fakatatau ki nā mea na iloa e ia mai nā tino malaga, e uiga ki te taimi na kitea ai te fetu.

Mataio 2:1

Na fānau mai ia Iehu i te kakai ko Peteleema i Iutea, i nā aho o te nofoakiga a te tupu ko Helota. E hēki mataloa talu te fānau mai o Iehu, kae taunuku ifo ki Ieluhalema ni taulelea hukehuke ki nā fetu, na ōmamai i he fenua i Hahae

Gāluega 12:18

I te aho alafaki, na matuā hē hāfia lava e nā leoleo i te falepuipui, pe ko he ā te kua tupu ki a Petelu.