Gāluega 12:11 - Tokelauan New Testament

¹¹ Na hāfia loa e Petelu te mea kua tupu, oi lea vē ai, “Kua kō iloa i te taimi nei ko te mea na pa au, na tupu moni lava! Kua uga mai e te Atua tana agelu ke fakahao au mai te pule a Helota, ma nā mea uma na vēake ia tagata Iutaia e tutupu.”

Gāluega 12:11 Referans Kwoze

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

Luka 15:17

Mulimuli ake, kua toe akoakogia tona māfaufau ma vē ake ai tana kupu, ‘Ko nā tino faigāluega uma a toku tamana e lahi lele nā meakai e kakai ai, ka ko tēnei au, ka mate i te fia kaia!

Gāluega 12:7

Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Gāluega 24:27

Kua teka te lua tauhaga, oi hui ai ia Felika e Pokiono Fehetone ke fai ma kōvana. Ko te fialelei o Felika ki nā tino Iutaia, na ia tukua ai ia Paulo i te falepuipui.

Gāluega 25:9

Kae ko Fehetone kua fia lelei ki nā tino Iutaia, ko te mea ia na fehili vē atu ai ki a Paulo, “E fia fano la koe ki Ieluhalema ke fakamahino ai koe i nā mōliga iēnei kua kaumai ki a te au?”