Gāluega 11:22 - Tokelauan New Testament

²² Kua pa te tala iēnei ki te Ekalehia i Ieluhalema, oi uga ai e ki lātou ia Panapa ki Anitioka.

Gāluega 11:22 Referans Kwoze

Gāluega 9:27

Kae na fehoahoani ia Panapa ki a Haulo, ma na ia kavea ke feiloaki ma te kau apohitolo. Na fakamālamalama e ia ki a te ki lātou te kiteaga e Haulo o te Aliki i luga o te auala, ma te tautalaga o te Aliki ki ei. Na ia takua foki ki a te ki lātou te hē mataku o Haulo oi tālaki i te igoa o Iehu, ki tagata i Tamaheko.

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

Gāluega 15:22

Oi tonu ai i te kau apohitolo ma toeaina vēnā ma te Ekalehia kātoa, ke filifili ni taulelea ke olo fakatahi ma Paulo ma Panapa ki Anitioka. Na filifili ai e ki lātou ni tino e toka lua e fakamoemoegia lele e nā tino kua talitonu, ko Iuta, ko tētahi ona igoa ko Pāhapa, ma Hila,

Gāluega 15:2

Na teteke lahi lele ia Paulo ma Panapa ki te akoakoga tēnei, ma na fai ai te tonu ke olo ia Paulo ma Panapa ma ni tino mai Anitioka ki Ieluhalema, ke talanoa ki te kau apohitolo ma nā toeaina o te ekalehia, e uiga ki te matākupu tēnei.

Gāluega 11:1

Kua lagona e te kau apohitolo ma nā tino i Iutea kātoa kua talitonu ki te Aliki, kua talia e tagata nukukehe te kupu a te Atua.

Gāluega 8:14

I te lagonaga e te kau apohitolo i Ieluhalema kua talia e tagata o Hāmālia te kupu a te Atua, oi uga ai e ki lātou ia Petelu ma Ioane ki ei.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Gāluega 11:19

Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 11:26

I te ia mauaga, oi kave ai e ia ki Anitioka, ma e lua ia tauhaga nae māfuta ai ki lāua ma nā tino o te ekalehia ma ki lā akoako he vāega e tokalahi. Ko kinā i Anitioka te na mua fakaigoa ai nā tino kua talitonu ki a Iehu, ni Kelihiano.

Gāluega 11:27

E tuha ko te taimi tēnei na ōifo ai ni pelofeta mai Ieluhalema ki Anitioka.

Gāluega 18:22

I te pa atuga o ia ki Kaihaleia, oi fano ai ki Ieluhalema oi feiloaki ma te Ekalehia, ma toe fano ai ki Anitioka.

Kalatia 2:11

Kae i te fanaifoga o Petelu ki Anitioka, na lea lava au ki ona mata ko ia e hehē.