Gāluega 11:19 - Tokelauan New Testament

¹⁹ Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Gāluega 11:19 Referans Kwoze

Gāluega 21:2

Ko kinā na ki mātou maua ai he vaka e tuku e malaga ki Foinike, oi hohopo ai ki mātou ki luga ma folau ai.

Gāluega 15:35

Na tau māhina te mataloa o te taimi na nonofo ai ia Paulo ma Panapa i Anitioka, ma nae gālulue fakatahi ma iētahi tino e tokalahi i te akoakoga ma te folafolaga o te kupu a te Aliki.

Gāluega 15:22

Oi tonu ai i te kau apohitolo ma toeaina vēnā ma te Ekalehia kātoa, ke filifili ni taulelea ke olo fakatahi ma Paulo ma Panapa ki Anitioka. Na filifili ai e ki lātou ni tino e toka lua e fakamoemoegia lele e nā tino kua talitonu, ko Iuta, ko tētahi ona igoa ko Pāhapa, ma Hila,

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Kalatia 2:11

Kae i te fanaifoga o Petelu ki Anitioka, na lea lava au ki ona mata ko ia e hehē.

Gāluega 21:16

Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.

Gāluega 18:22

I te pa atuga o ia ki Kaihaleia, oi fano ai ki Ieluhalema oi feiloaki ma te Ekalehia, ma toe fano ai ki Anitioka.

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 3:26

Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Mataio 10:6

Kae olo ki tagata o Ihalaelu kua vē ni māmoe e gagalo.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 11:22

Kua pa te tala iēnei ki te Ekalehia i Ieluhalema, oi uga ai e ki lātou ia Panapa ki Anitioka.

Gāluega 14:26

ma mai kinā, na folau atu ai ki Anitioka, te nofoaga na tuku atu ai ki lāua ki te kikilaga ma te alofa tūnoa o te Atua, mo te gāluega tēia kua uma te fakatino e ki lāua.

Gāluega 15:30

Kua uga atu nā faifekau ma na olo ai ki Anitioka. I kinā, na ki lātou fakamāopoopoa ai nā tino uma kua talitonu ma fōki ki ei te tuhi.