Gāluega 10:43 - Tokelauan New Testament

⁴³ Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 10:43 Referans Kwoze

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Loma 10:11

E lea mai te tuhituhiga paia, “E hēai he tino e talitonu ki a te ia ka maua i te fakanoanoa.”

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Gāluega 26:22

Kae e pa mai lava ki te aho nei, e fehoahoani mai lava te Atua ki a te au, ma ko au la e tū atu i kinei ke kavatu taku molimau ki tagata uma, ki nā tino e he tāua ma nā tino e tāua. Ko te mea e lea ai au ko te mea foki lava tēnā e tahi na lea ia Mohe ma te kau pelofeta, e taunuku:

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Gāluega 15:9

E hēki fakakehekehea e ia ki tātou ma ki lātou; na fakamāgalo e ia a lātou agahala ona kua talitonu.

Gāluega 3:16

Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Kolohe 1:14

tē kua maua ai e ki tātou te haolotoga, ko tona uiga, ko a tātou agahala kua fakamāgalo.

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Loma 3:21

Kae i te taimi nei, ko te auala e fakalelei ai e te Atua te va o tagata ma ia, kua uma te fakailoa mai. E hēki kui mai i te tūlāfono te mea tēnei, e ui lava na molimau te Tūlāfono a Mohe ma te kau pelofeta ki ei.