Gāluega 10:40 - Tokelauan New Testament

⁴⁰ Kae na toe fakatū e te Atua mai te oti i tona tolu o aho, ma ko tona lava finagalo ke fakakitea ia Iehu,

Gāluega 10:40 Referans Kwoze

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

2 Kolinito 4:14

E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Loma 14:9

Auā ko Keliho na oti ma toe ola mai, kae ke kavea ai ia ma Aliki mo tagata ola, vēnā ma tagata oti.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Ioane 14:22

Kua lea atu ia Iuta (e hē ko Iuta Ihikaliota), “Te Aliki, e vēhea ona mafai ke kē fakailoa mai koe ki a te ki mātou, kae hē fakailoa ki te lalolagi?”

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.