Gāluega 10:2 - Tokelauan New Testament

² He tino e mataku i te Atua; ko ia ma tona kāiga kātoa e tāpuaki ki te Atua. E lahi foki ana mea nae fai ke fehoahoani ai ki nā tino Iutaia mātitiva, ma nae tatalo pea lava ki te Atua.

Gāluega 10:2 Referans Kwoze

Gāluega 10:4

Na pupula ki ei ona mata ona ko tona mataku, oi lea vē atu ai ki ei, “Te aliki, e i ei he mea e fofou koe ki ei?” Kua tali mai te agelu, “Kua lagona e te Atua au tatalo ma ia kitea au gāluega alofa ki tagata mātitiva, ma kua hāuni ke tali atu ki a te koe.

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 13:16

Na tū atu loa ia Paulo, kua fakatū atu tona lima ki te fakapotopotoga ma kāmata loa oi tautala: “Koutou oku tagata Ihalaelu ma tagata nukukehe uma i kinei e tāpuaki ki te Atua: fakalogo mai!

Gāluega 10:35

Ko nā tino e tāpuaki ki te Atua ma ki lātou faia te mea tonu, e talia ki lātou e ia, e tuha lava pe ko fea te mālō e ōmamai ai.

Gāluega 10:7

Oi fano kehe ai te agelu, ma na kalaga loa ia Konelio ki ni kaukauna fakamoemoegia e toka lua a ia ma he fitafita, he tino kua talitonu ki te Atua ma ko hētahi ia o nā tino e fehoahoani ake ki a te ia.

Gāluega 8:2

Na tanu ia Hetefano e ni tino fakatuatua ki te Atua, ma na faitatagi lahi lele ki lātou i te fakanoanoa.

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

1 Tehalonia 5:17

tatalo i taimi uma,

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

Gāluega 22:12

“Nae i te kakai tēnā he tino e igoa ki a Anania, he tino lotu nae uhiuhitaki ki te tātou Tūlāfono, ma nae fakaaloalogia lahi lele e nā tino Iutaia e nonofo i kinā.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 10:31

ma lea vē mai, ‘Konelio! Kua lagona e te Atua au tatalo, ma ia kitea au gāluega alofa ki tagata mātitiva.

Gāluega 9:36

I Iopa, nae i ei he fafine kua talitonu ki te Aliki e igoa ki a Tapita. (Ko Toka i te gagana Eleni, ma ko tona uiga “he aila”.) Nae fakafano tona taimi uma i te faiga o nā gāluega lelei ma fehoahoani ki tagata mātitiva.

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.

Gāluega 9:11

Kua vāgana atu te Aliki ki ei, “Hāuni oi fano ki te auala e igoa ko te Auala Hako, ma i te fale o Iuta, lea ki ei ko koe e fia feiloaki ki he taulealea mai Taheha e igoa ki a Haulo. Ko te taulealea e tatalo,

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

Gāluega 2:5

Nae i ei ni tino Iutaia nae nonofo i Ieluhalema, ni tino lolotu i te lotu Iutaia, na ōmamai i nā atunuku uma o te lalolagi.

Gāluega 11:14

Ka tautala atu ia ki a te koe i nā kupu e fakaola ai koe, vēnā ma tō kaukāiga kātoa.’

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.