Gāluega 1:9 - Tokelauan New Testament

⁹ Kua uma te vāgana atu vēnei o Iehu, oi hikitia ake ai ki te lagi kae kikila atu ki lātou, ma na pupuni ai ia i he ao, mai te lātou kikila.

Gāluega 1:9 Referans Kwoze

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Gāluega 1:2

ke pa lava ki te aho na hikitia ake ai ki te lagi. Ka ko hēki hikitia la, kae fai tana fakatonuga e ala i te mana o te Agaga Paia ki nā taulelea na ia filifilia, ke fai ma ana apohitolo.

Fakaaliga 11:12

Oi lagona ai e nā pelofeta e toka lua he leo lahi mai te lagi e lea vē ifo ki a te ki lāua, “Ōmamai ki luga nei!” Ka koi kikila atu o lā fili, ka kua ōake ki lāua ki te lagi i he ao.

Ioane 6:62

E vēhea nei la kāfai kua koutou kitea atu te Ataliki o te Tagata, kua toe fanake ki luga ki te mea nae i ei ai muamua?

Luka 21:27

Ma ka kitea atu te Ataliki o te Tagata e haele mai i he ao o te lagi, ma te mana ma te mamalu hilihili kehe.

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

1 Tehalonia 4:17

ma ko ki tātou la iē koi ola i te taimi tēnā, ka hikitia ake fakatahi ma ki lātou i loto o nā ao, ke feiloaki ma te Aliki i te vānimonimo. Oi ka fakatahi ai pea lava ki tātou ma te Aliki.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.