Gāluega 1:7 - Tokelauan New Testament

⁷ Na tali atu ia Iehu, “Ko toku Tamana oioti lava te ia faia te tonu pe ko āfea te ka tutupu ai nā mea iēnei, ma e hēai lele hautou aiā ki ei.

Gāluega 1:7 Referans Kwoze

Mataio 24:36

“Kae e hēai he tino e ia iloa, pe pa mai āfea te aho tēnā ma te itūlā — e hē iloa e nā agelu i te lagi oi hē iloa foki e te Ataliki; kae nā ko te Tamana oioti te ia iloa.

Maleko 13:32

“Kae e hēai he tino e ia iloa, pe pa mai āfea te aho tēnā pe ko te itūlā — e hē iloa e nā agelu i te lagi, e hē iloa foki e te Ataliki, kae nā ko te Tamana oioti te ia iloa.

Maleko 10:40

Kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko te Atua lava ia te ka ia fōkia nā nofoaga iēnei mo ki lātou kua ia filifilia ke nonofo ai.”

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

2 Timoteo 3:1

Ke manatua e koe te mea tēnei; ka i ei nā taimi faigatā lahi e pa mai i nā toe aho.

1 Timoteo 6:15

Ko tona toe haele mai, ka fakatino lava i te taimi e tatau ai, e te Atua te Tupu e tokatahi e viviki ki ei ia tagata uma; ko ia ko te Tupu o tupu ma te Aliki o aliki.

Gāluega 17:26

Mai te tamāloa e fokotahi, na ia faia ia tagata lanu kehekehe uma ke nonofo i te lalolagi kātoa. Ko ia lava te na ia fuafuagia muamua nā taimi ma nā gataaga o nā mea e nonofo ai ki lātou.

Mataio 20:23

Oi lea atu ai ia Iehu ki ei, “E moni ko koulua ka inu ki taku ipu, kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko nā nofoaga iēnei e mo ki lātou kua filifilia e toku Tamana ke nonofo ai.”