Gāluega 1:3 - Tokelauan New Testament

³ I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.

Gāluega 1:3 Referans Kwoze

Gāluega 13:31

ma e lahi nā aho na fakaali ai ia ki nā tino na malaga fakatahi ma ia, mai Kalilaia ki Ieluhalema. Ko ki lātou iēnei te kua kavea ma molimau e uiga ki a te ia, ki tagata o Ihalaelu.

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

Ioane 21:14

Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti

Ioane 21:1

Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia. E vēnei te auala na fakailoa ai ia ki a te ki lātou.

Mataio 28:9

Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.

1 Tehalonia 2:12

Nae fakamālohi atu ki mātou ki a te koutou, nae fakamāfanafana atu ma fakamākeke atu ki mātou ko koutou ke ola i te itūkāigā ōlaga e fiafia ki ei te Atua, tē e kalaga mai ke kavea koutou ma vāega o tona Mālō ma tona mamalu.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Mataio 21:43

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Mataio 4:2

E fagafulu ia ao ma pō nae fakalāina ai ia Iehu, oi na lagona ai e ia te fia kaia.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Gāluega 8:12

Kae i te taimi na talitonu ai ki lātou ki te fekau a Filipo e uiga ki te Tala Lelei o te Mālō o te Atua ma e uiga ki a Iehu Keliho, oi papatiho ai ki lātou; ko taulelea fakatahi ma fafine.

Gāluega 19:8

Na kātoa te tolu māhina ko Paulo nae fano ho ki loto o te hūnako ma tautala ki tagata ma te hē mataku, i ni taumafaiga ke mafai ai ki lātou ke talitonu e uiga ki te Mālō o te Atua.

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.