Gāluega 1:15 - Tokelauan New Testament

¹⁵ Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 1:15 Referans Kwoze

1 Kolinito 15:6

Oi fakakitea ai i te taimi lava e tahi ki nā tino e lima helau ma ona tupu nae mulimuli ki a te ia, ko te tokalahi o ki lātou iēnei koi ola mai, e ui kua oti iētahi.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Ioane 21:23

Oi piha ai te tala i nā tino kua talitonu ma mulimuli ki a Iehu, ko te hoko tēnei e hē oti lele. Ka ko Iehu e hēki lea ko te hoko tēnei e hē oti lele; na lea, “Kāfai au e fofou ke ola pea ia ke toe hau au, he ā te popole ai koe ki ei?”

Fakaaliga 3:4

Kae e i ei nā tino o koutou i kinā i Hateihi, e hēki fakakelekelea lele o lātou kofu Ka havavali fakatahi ki lātou ma au, e kokofu i nā kofu paepae, auā kua tatau ma onomea tēnei mo ki lātou.

Ioane 14:12

E takutino atu e au ki a te koutou te meamoni, ko nā tino e talitonu mai ki a te au, ka ki lātou faia nā mea e kō faia; ma ka ki lātou faia nā mea e hili atu te lalahi, auā ko au e fano ki te Tamana.

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Mataio 13:31

Kua toe fai tētahi talafakatuha a Iehu ki a te ki lātou: “Ko te Mālō o te lagi e fakatuha ki he fatu hīnapi na kave e he tamāloa oi totō i tona fatoaga.

Gāluega 10:23

Oi lea ai ia Petelu ki nā taulelea ke mapu ake ki loto o te fale ke mālōlō ai mo te pō tēnā. I te aho alafaki na hāuni ai ia Petelu ma olo ma nā taulelea; na olo fakatahi ai foki ma iētahi tino kua talitonu ki te Aliki, i Iopa.

Gāluega 11:1

Kua lagona e te kau apohitolo ma nā tino i Iutea kātoa kua talitonu ki te Aliki, kua talia e tagata nukukehe te kupu a te Atua.

Gāluega 11:12

Ma na lea mai te Agaga Paia ki a te au ko au nahe fakalotolotolua kae olo loa ma nā taulelea. Na olo fakatahi ki mātou ki Kaihaleia ma ni tino kua talitonu e toka ono mai Iopa, ma na olo uma foki ki mātou ki te fale o Konelio.

Gāluega 11:26

I te ia mauaga, oi kave ai e ia ki Anitioka, ma e lua ia tauhaga nae māfuta ai ki lāua ma nā tino o te ekalehia ma ki lā akoako he vāega e tokalahi. Ko kinā i Anitioka te na mua fakaigoa ai nā tino kua talitonu ki a Iehu, ni Kelihiano.

Gāluega 11:29

Na tonu i te kau hoko, ko he ā lava he mea e maua e ki lātou tau tokatahi uma, ke kave ke fehoahoani ki te kau uho Kelihiano e nonofo i Iutea.

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Gāluega 15:1

E i ei ni taulelea na ōifo mai Iutea ki Anitioka ma kāmata akoako vē atu ki nā tino kua talitonu, “E hē mafai koutou ke fakaola e te Atua, heiloga ko koutou kua pelitome e vē oi lea mai te Tūlāfono a Mohe.”

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Gāluega 16:2

Nae taku leleia lele ia Timoteo e te kau Kelihiano uma i Luotala ma Ikononu.

Gāluega 16:40

Na tukua loa e Paulo ma Hila te falepuipui, kae olo ki te fale o Litia. I kinā, na feiloaki ai ki lāua ma nā tino kua talitonu ki a Iehu, ma kavatu ai e ki lāua ki ei ni kupu fakamākeke, oi olo kehe ai.

Gāluega 17:6

Kae e hēki maua e ki lātou te toka lua ki kinā, ma ko te mea ia na toho ai e ki lātou ia Iahona ma iētahi tino kua talitonu ma kave ki mua o te taupulega ma taufōlulua vē, “Ko nā tino iēnei kua ki lātou fakatupuagia te vevehi i ho he koga e olo ki ei! Nei, kua ōmamai ki to tātou kakai,

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 17:14

Oi na uga ai loa e te kau Kelihiano ia Paulo ma ni iētahi taulelea ke olo ki he koga tū matāfaga; kae kua nonofo ia Hila ma Timoteo i Peloia.

Gāluega 18:18

Na nonofo fakatahi ia Paulo ma te kau Kelihiano i Kolinito i ni aho e lahi, oi tukua ai e ia ki lātou, kae folau ma Pihila ma Akula ki Hulia. Ka ko hēki folau kehe ia Paulo mai Kegeleaiha, na tafi tula tona ulu ona he tautōga e a ia na fai.

Gāluega 18:27

Na fai te tonu a Apolo ko ia ka fano ki Akaia, oi kave ai te tuhi a te kau Kelihiano i Efeho ki te kau Kelihiano i Akaia, ke ki lātou talia i Apolo kāfai e pa ake. I te taunukuga o Apolo ki Akaia, na fai ia ma fehoahoani lahi ki a te ki lātou kua talitonu, e ala i te alofa tūnoa o te Atua.

Gāluega 21:7

Na fakaauau te mātou malaga, ma folau atu mai Tulo ki Pitolemaia. Ko kinā na feiloaki ai ki mātou ma te kau Kelihiano, ma nonofo ai ki mātou ma ki lātou i he aho e fokotahi.

Gāluega 21:17

I te taunuku atuga o ki mātou ki Ieluhalema, na tali fiafia mai ki mātou e te kau Kelihiano.

Gāluega 22:5

E mafai ke fakamāonia e te Ulu Ohitāulaga ma te Taupulega kātoa, te mea tēnei kua lea atu ai au. Na fōki mai e ki lātou ki a te au ni tuhi na tuhi ki nā uho Iutaia i Tamaheko, ma na fano ai au ki kinā ma toku fakamoemoe ke puke e au nā tino iēnei ma noanoa, oi kaumai ai ki Ieluhalema ke fai ai o lātou fakahalaga.

Gāluega 28:14

I kinā, na fetaui ai ki mātou ma ni tino Kelihiano na lea mai ke nonofo ki mātou ia te ki lātou i he vaiaho. Ma na olo ai loa lava ki mātou ki Loma.