Gāluega 1:14 - Tokelauan New Testament

¹⁴ Nae maopoopo ho ki lātou oi tatalo fakatahi, ma nae i ei ai ma nā fafine vēnā ma Malia te mātua o Iehu ma nā uho o Iehu.

Gāluega 1:14 Referans Kwoze

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Gāluega 6:4

Kae ke tukutahi lava o mātou taimi ki te tatalo ma te tālakiga o te kupu a te Atua.”

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

Mataio 21:22

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

Gāluega 2:1

Kua pa ki te aho o te Penitekoho, oi fakapotopoto ai ki lātou uma kua talitonu, ki he mea e fokotahi.

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Luka 24:53

ma nae olo pea lava ki te Mālumalu, oi hiki ake te fakafetai ki te Atua.

Mataio 12:46

Koi tautala ia Iehu ki nā tino kae taunuku mai tona mātua ma ona uho. Kua tutū atu ki lātou i fafo kae kave te lātou faifekau ki a Iehu ko ki lātou e fia faitala ake ki a te ia.

Luka 24:10

Ko nā fafine, ko Malia te Makatala, ko Ioana ma Malia te mātua o Iakopo; ko ki lātou iēnei fakatahi ma iētahi fafine, te na ki lātou fakailoagia nā mea iēnei ki te kau apohitolo.

Luka 23:55

Ko nā fafine nae mulimuli ki a Iehu mai Kalilaia, na olo ma Iohefa ma na kitea e ki lāua te tugamau, ma te tukuga ki loto o te tino o Iehu.

Luka 23:49

Ka ko nā tino uma nae ki lātou iloa ia Iehu, e aofia ai nā fafine nae mulimuli ki ei mai Kalilaia, nae tutū mamao atu ma na ki lātou kitea nā mea uma iēnei.

Maleko 16:1

Kua teka te Hāpati, oi olo ai ia Malia te Makatala, ko Halome, ma Malia te mātua o Iakopo, oi fakatau mai nā mea manogi ke kave oi uku ai te tino o Iehu.

Maleko 15:40

Nae i ei nā fafine i kinā nae taukikila mamao atu. Nae i ei ai ia Malia te Makatala, ko Malia te mātua o Iakopo tamaiti ma Iohefa, ma Halome.

Mataio 27:55

E tokalahi nā fafine nae mulimuli ki a Iehu mai Kalilaia ma fehoahoani ki ei, nae i kinā ma nae taukikila mamao atu.

Luka 24:33

Na tutū ake loa ki lāua ki luga i te taimi lava tēnā, oi toe olo ki Ieluhalema. Na maua atu e ki lāua nā hoko e toka hefulutahi ma iētahi tino, e fakapotopoto fakatahi.

Luka 8:20

Oi lea atu ai he tino ki a Iehu, “Ko tō mātua ma ō uho e tutū mai i fafo, e fia kikila ki a te koe.”

1 Kolinito 14:13

Ko te tino la e tautala i nā gagana kehekehe, e tatau ke tatalo mo te mana ke fakamatala ai nā kupu e tautala ai.