Filipi 3:8 - Tokelauan New Testament

⁸ E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Filipi 3:8 Referans Kwoze

Loma 8:18

I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Filipi 3:7

Kae ko nā mea uma lele nae fakatāua e au muamua, kua hē toe tāua i te taimi nei, ona ko Keliho.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

2 Petelu 1:3

Ko te mana o te Atua kua maua ai e ki tātou nā mea uma e manakomia e ki tātou ke ola ai ki tātou i he ōlaga e fiafia ki ei te Atua, e ala i to tātou mālamalama i tē kua ia kalagagia ki tātou ke i ei fakatahi ma ia i tona lava mamalu ma te lelei kātoatoa.

1 Kolinito 2:2

Auā ka koi i ei au ma koutou, na tonu i toku māfaufau ke tuku iētahi mea kae ke akoako atu oioti e uiga ki a Iehu Keliho, kae maihe lava tona mate i luga o te hātaulo.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Ioane 14:7

Nei la kua koutou iloa au,” kua lea atu ia Iehu ki a te ki lātou, “ka koutou iloa foki toku Tamana, ma e kāmata atu nei, e koutou iloa ia, ma kua koutou kiteagia ia.”

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

2 Timoteo 4:6

Kae vē la ki a te au, kua pa mai te taimi ke ofo atu ai au ma tāulaga; kua pa mai te taimi e tukua ai e au te ōlaga tēnei.

Ioane 20:28

Kua tali atu ia Toma ki a te ia, “Toku Aliki ma toku Atua!”

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.

1 Petelu 2:7

Ko te fatu tēnei e tāua lahi lele mo koutou kua talitonu, kae mo ki lātou e hē talitonu: “Ko te fatu na tīaki e nā faufale e hē aogā na iku ake ko te fatu ia e pito hili ona tāua.”

Kalatia 1:16

fakailoa mai tona Ataliki ki a te au kae ke mafai ai e au oi tālaki te Tala Lelei a uiga ki a te ia ki tagata nukukehe, e hēki hakili fehoahoani au ki he tino,

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

1 Kolinito 9:10

E hē ko ki tātou nei te fakaaga ki ei tana kupu tēnei? Io, ko ki tātou, auā ko te tino e huagia te kelekele ma te tino e holiagia te haito, e gālulue ma te fakamoemoe e maua ni o lā vāega o te helehelega.

Ioane 20:13

Kua fehili mai ki lāua ki a te ia, “Te māfine, he ā te tagi ai koe?” Kua lea atu ia Malia, “Auā kua kave e ki lātou toku Aliki, ma e hē kō iloa pe kua tuku e ki lātou i fea!”

Luka 11:20

Hēai, ko te pule lava a te Atua te tuli ai e au nā tēmoni ki fafo, ma ko tēnei te mea e fakamāonia ai ko te Mālō o te Atua kua i kinei ia te koutou.

Luka 1:43

Ko ai nei kita, kua āhiāhi mai ai te mātua o toku Aliki ki a au?

Loma 8:39

e hē mafai e he mālohiaga i te lagi i luga, pe i te lalolagi i lalo — e hēai lele he mea e fokotahi na gaohia e te Atua, e ia mafaia oi tuku kehekehe ki tātou ma te alofa o te Atua, e ala ia Keliho Iehu to tātou Aliki.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Filipi 3:12

Ko au e hē lea atu kua maua e au te mea tēnei, pe ko au kua lelei kātoatoa. Kae ko au e tauivi lava ke kō maua te fakailoga. Ko tēnei tonu foki lava te māfuaaga na kavea ai au e Keliho Iehu ke fai mo ia.

2 Petelu 1:2

Ke ia te koutou te kātoaga o te alofa tūnoa ma te fīlēmū e ala i te koutou iloa o te Atua ma Iehu to tātou Aliki.

2 Petelu 1:8

Ko nā uiga lelei iēnei e manakomia e koutou, ma kāfai e tuputupu pea lava nā mea iēnei ia te koutou, ka mafai ai koutou ke tuahā ma fakaatili ai te koutou mālamalama e uiga ki to tātou Aliki ko Iehu Keliho.