Filipi 2:4 - Tokelauan New Testament

⁴ Ma kikila ki nā mea e manuia fakatahi ai koutou, kae nahe kikila lava te tino mo ia lava.

Filipi 2:4 Referans Kwoze

1 Kolinito 10:24

Nahe i ei he tino o koutou e hakili ki hona lava ia lelei, kae hakili ki he lelei mo iētahi tino.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Iakopo 2:8

Ko he mea e tatau lava ke koutou faia, te uhitaki ki te tūlāfono o te Mālō o te Atua e vē oi tūhia i te tuhituhiga paia, “Alofa ki tō tuākoi e vē oi alofa koe ki a te koe lava.”

Loma 12:15

Fiafia fakatahi ma ki lātou e fiafia, faitatagi fakatahi ma ki lātou e faitatagi.

2 Kolinito 11:29

Kāfai he tino e vāivai, oi e lagona foki e au te vāivai; kāfai he tino e takitakia ma pakū ki te agahala, ko au e tumu i te fakanoanoa.

Mataio 18:6

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto.

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.

Filipi 2:21

Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho.