Filipi 2:15 - Tokelauan New Testament

¹⁵ kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

Filipi 2:15 Referans Kwoze

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

Mataio 5:45

kae ke kavea ai koutou ma fānau a te koutou Tamana i te lagi. Auā e fakapupula e ia te la ki tagata lelei ma tagata kino, ma fakamaligi ifo te ua ki a te ki lātou e āmiotonu ma ki lātou e āmiokino.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Kolinito 1:8

Ka tauhia pea lava koutou e ia ke pa ki te ikuga, kae ke nahe i ei lele he mea e hehē ai koutou, i te Aho o to tātou Aliki ko Iehu Keliho.

Tito 2:10

pe kaihohoa a lātou mea. Kae e tatau ke fakaali e ki lātou ko ki lātou e lelei pea lava i taimi uma ma fakamāoni, kae ke takuleleia ai nā akoakoga e uiga ki te Atua to tātou Fakaola, i nā mea uma e fai e ki lātou.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

Mataio 5:48

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

1 Timoteo 3:10

E tatau ke fakamāonia muamua e ki lātou ki te Ekalehia ko ki lātou ni tino e lelei kātoatoa, oi fātoā mafai ai ke gālulue i nā tofi tiākono.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

Filipi 1:10

kae ke mafai ai e koutou oi filifili te mea e hili ona lelei. Ma ka mafai ai koutou ke mamā ma hē taku kinoagia i te Aho o Keliho.

Efeho 5:27

kae ke ia tukulima atu ai te Ekalehia ki a te ia lava, i tona gali kātoatoa — e mamā ma hēai he hehē, e hēai he ila pe he mafenu, pe ko hētahi lava mea e hē kātoatoa te lelei.

Loma 16:19

Auā e ui kua iloa e tagata uma te koutou fakamāoni, ma ko te mea ia e fiafia ai au, ko au e fofou ke iloa e koutou nā mea e lelei, ma tau mamao lele ma nā mea e kino.

Gāluega 2:40

E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

Mataio 10:16

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 1:6

ko te tino e tōfia ma toeaina e tatau ke lelei tana āmio; e tatau ke fokotahi oi oti tana āvaga, ma tatau tana fānau ke talitonu ki te Atua kae nahe ola i he ōlaga hē pūlea pe fakalogogatā.

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

Gāluega 20:30

E hau te taimi e fai ai e ni tino o koutou ni fakamatalaga pepelo ke takitaki kehe ai nā tino Kelihiano ma mulimuli ake ai ki a te ki lātou.

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Mataio 17:17

Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Fakaaliga 3:9

Kikila, ko nā tino o Hātani, nā tino talapepelo e lea ko ki lātou ni Iutaia kae e hē ni Iutaia; ka kō kaumaia ki lātou ke tōtutuli pūnonou ki mua o outou vae. Ka iloa uma e ki lātou ko au e alofa atu ki a te koutou.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

1 Timoteo 5:7

Fakatonu ki ei te mea tēnei, kae ke nahe i ei he tino o ki lātou e i ei hona hehē.

2 Kolinito 6:17

Na vāgana foki te Aliki, “Olo kehe ma ki lātou ma nahe toe koutou nonofo fakatahi. Koutou nā fakapipiki ki te mea e hē mamā, oi talia ai koutou e au.

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.