Filipi 1:20 - Tokelauan New Testament

²⁰ Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

Filipi 1:20 Referans Kwoze

1 Petelu 4:16

Kae kāfai koutou e puapuagā ona ko koutou ni Kelihiano, nahe kavea te mea tēnā ma mea ke māhiahi ai koutou, kae fakafetai ki te Atua ko koutou e taukave e koutou te igoa o Keliho.

1 Kolinito 6:20

na ia fakataua koutou i he tau. Ko te mea ia, fakaaogā outou tino ke maua ai he vīkiga mo te Atua.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

1 Ioane 2:28

Taku fānau, koutou ke tūmau pea i te māfutaga ma Keliho, kae ke fakatumulia ai ki tātou i te loto mākeke kae hē ko te matamumuli ma te fia mumuni ia te ia, i te Aho e haele mai ai.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Loma 8:19

Ko nā mea uma lele na gaohia e te Atua, e fakatalitali ma te amanaki lahi, ke fakailoa mai e te Atua tana fānau.

2 Kolinito 10:8

Auā ko au e hē ma, e tuha lava pe kua hona fāfia ātili au ona ko te pule kua tuku mai e te Aliki ki a te ki mātou — te pule ke fatufatu ake ai ki luga te koutou fakatuatua, kae hē ke fakaumatia ai koutou.

2 Kolinito 4:10

I taimi uma, nae taukave pea lava i loto o nā tino o ki mātou e fano e pala, te mate o Iehu, kae ke kitea ai foki te ōlaga o ia i loto o nā tino o ki mātou.

1 Kolinito 7:34

ma e fetoho tona māfaufau ki nā itū e lua. Ko he fafine e hēki fakaipoipo pe he taupou, e fano tona māfaufau ki te gāluega a te Aliki, auā e fofou ke ofo atu ia mo te Atua i te tino vēnā ma te agaga; ka ko he fafine kua fakaipoipo e fano tona māfaufau ki nā mea o te lalolagi, auā e fofou ke fai e ia nā mea e fiafia ai tana tāne.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Filipi 1:14

Kua kavea toku i te falepuipui ma mea e mautū ai te talitonu o te tokalahi o te kau uho Kelihiano ki te Aliki, ma ka ātili tupu ai pea to lātou fakamālohi ki te tālakiga o te fekau e aunoa ma he mataku.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

2 Kolinito 5:15

Ma ko Keliho na oti mo tagata uma, kae ke nahe toe ola ai nā tino e ola mo ki lātou lava, kae ola oioti mo tē na oti ma toe fakatū mai ki te ola, mo ki lātou.

1 Kolinito 15:31

Te kau uho, ko toku ola e lamatia pea lava i aho uma! Ko toku mitamita ona ko koutou i te māfutaga ma Keliho Iehu to tātou Aliki, kua mafai ai au ke lea vēnei atu.

Loma 9:33

e vē oi lea mai te tuhituhiga paia: “Kikila, e tuku e au i loto o Hiona he fatu ka tulave ai ia tagata, he fatu ka pakukū ai ki lātou ki lalo. Kae ko ai lava e talitonu ki a te ia, ka hēai he mea e popole ai.”

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

Loma 6:13

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Ioane 21:19

(Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

2 Kolinito 3:12

Ona kua ia te ki mātou he fakamoemoe vēnei, kua maua ai e ki mātou te loto mālohi.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.