Filemoni 1:17 - Tokelauan New Testament

¹⁷ Ko te mea ia, kāfai kua talia e koe ko au he hoā kaukauna ki a te koe, ke talia foki la e koe ma te fiafia ia Onehimahi, e vē lava ona kē talia au.

Filemoni 1:17 Referans Kwoze

2 Kolinito 8:23

E vē la ki a Tito, ko he hoa e ōku ma e gālulue fakatahi ki māua ke tautua atu ki a te koutou. Ko iētahi hoa a kaukauna, ni kavefekau e a nā Ekalehia, auā lava he vīkiga mo Keliho.

Mataio 10:40

“Ko ai lava e ia talia koutou, kua ia talia foki au, ma ko ai lava e ia talia au kua ia talia foki tē na ia uga maia au.

Filemoni 1:12

Ka kō uga atua ki a te koe, ma ko he mea tēnei e fakanoanoa ai foki toku loto.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 18:5

Ko ai lava he tino e ia talia he tamaiti vēnei i toku igoa, kua ia talia foki au.

1 Ioane 1:3

Ko nā mea kua kikila ma fakalogo ki mātou ki ei, kua fakailoa atu e ki mātou ki a te koutou, kae ke mafai ai ke i ei koutou ma ki mātou i te māfutaga fakatahi ma te Tamana ma tona Ataliki ko Iehu Keliho.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Filemoni 1:10

Ko au la e talohaga atu ki a te koe e uiga ki a Onehimahi, ko he ataliki ki a te au e ala ia Keliho; auā na kavea au e vē ko he tamana ki a te ia, ka koi i loto au o te falepuipui.

1 Timoteo 6:2

Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

Filemoni 1:18

Kāfai na fai e ia he mea kino ki a te koe, pe kaitālafu atu ki a te koe i ho he mea, tuhi ifo ki toku igoa nā mea iēnā.