Epelu 9:8 - Tokelauan New Testament

⁸ E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

Epelu 9:8 Referans Kwoze

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

Epelu 9:3

I tua atu o te kie pupuni tona lua, nae i ei ai te Falekie nae fakaigoa ko te Nofoaga e Hili te Paia.

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Ioane 10:9

Ko au ko te faitotoka. Ko nā tino e kui mai ia te au, ka fakahao; ka ōmamai ki loto ma olo ki fafo ma ki lātou maua te vao lelei.

Gāluega 28:25

Oi na fekehekeheaki ai lava ki lātou ma tākape ai lava, ka kua uma ai te lea vē atu o Paulo i te mea tēnei e fokotahi: “Kai te hako lele o te vāgana a te Agaga Paia ki nā tupuna o koutou, na kui mai i te pelofeta ko Ihaia!

Ioane 10:7

Oi toe vāgana atu ai ia Iehu, “E takutino atu e au ki a te koutou te meamoni: ko au ko te faitotoka mo nā māmoe.

Epelu 10:15

Ma kua fakamāonia foki e te Agaga Paia ki a te ki tātou. Muamua e lea vē,

Luka 1:80

Kua tuputupu ake te tamaiti, ma kua maua i te loto mākeke. Nae nofo lava i te vao, ke pa ki te aho na kāmata ai tana gāluega ki tagata o Ihalaelu.