Epelu 5:2 - Tokelauan New Testament

² Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.

Epelu 5:2 Referans Kwoze

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 2:18

Ma e ona ko ia foki na fakaohoohogia ma maua i nā puapuagā, kua ia mafaia ai oi fehoahoani ki nā tino e fakaohoohogia.

Epelu 7:28

E tōfia e te Tūlāfono a Mohe nā tino e hē kātoatoa te lelei, ke kavea ma ulu ohitāulaga; kae ko te folafolaga a te Atua na fai ai ma tana tautōga ka ko hēki i ei ai te Tūlāfono, kua tōfia ai te Ataliki, tē kua uma te fakakātoatoagia o tona lelei ke pa ki te fakavavau.

Epelu 12:13

Havavali pea lava i nā auala hahako, kae ke nahe mate ai te vae e faitauale kae ke mālōlō ai.

Kalatia 4:13

E manatua e koutou pe aiheā na kō tālakia atu ai te Tala Lelei i te taimi muamua; ona ko au nae tauale.

2 Kolinito 12:5

Ko au la ka fāfia ona ko te tino tēnei; kae ko au ka hē fāfia mo au lava, vaganā ai nā mea e kitea ai toku vāivai.

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

2 Kolinito 11:30

Kāfai au e tatau ke fāfia, ko au e fāfia i nā mea e kitea ai toku vāivai.

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 9:7

kae nā ko te Ulu Ohitāulaga oioti te fano ki loto o te Falekie pito ki loto, ma e fakafokotahi oioti i te tauhaga e fai ai e ia te mea tēnei. E fano oioti ki loto kāfai kua ia te ia ni toto mai nā manu kua ohi ai te tāulaga, ma ofo atu ki te Atua mo ia lava ma vēnā mo nā agahala kua fai e tagata kae hē ki lātou iloa.

Iakopo 5:19

Te kau uho, kāfai he tino o koutou e fano kehe mai te meamoni kae toe kaumai e he tino o koutou,

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.